Каму з беларускіх дзяцей нельга вучыцца за мяжой? Мінадукацыі пракаментавала нашумелы закон
З 1 верасня пачнуць дзейнічаць змены, унесеныя ў Кодэкс аб адукацыі. Адна з галоўных — цяпер усе беларускія дзеці павінны будуць наведваць выключна беларускія школы. А што з тымі, хто з'ехаў за мяжу па ДНЖ? Міністэрства адукацыі адказала, як трактаваць закон.
Міністэрства адукацыі патлумачыла, што не дазволена дыстанцыйнае навучанне ў школах іншых дзяржаў дзяцей, якія пражываюць у Беларусі.
«Пры атрыманні адукацыі анлайн (дыстанцыйна) ва ўстановах адукацыі іншых дзяржаў навучэнцы не вывучаюць абавязковыя для вывучэння ў Рэспубліцы Беларусь вучэбныя прадметы «Беларуская мова», «Беларуская літаратура», «Гісторыя Беларусі», «Геаграфія Беларусі», — адзначае ведамства.
Калі ж дзіця зарэгістравана ў Беларусі, але выехала на часовае пражыванне ў іншую краіну, то яно не абавязана вучыцца ў беларускіх школах, гімназіях ці ліцэях.
«Бацькам будучых першакласнікаў, зарэгістраваных у Рэспубліцы Беларусь, але якія жывуць за яе межамі, падаваць у школу пацвярджальныя дакументы не патрабуецца», — паведаміла міністэрства.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары