Ізраільскія ВПС выкарыстоўвалі ў Іране прыкладна дзвесце самалётаў для атакі на каля ста цэляў, і пры гэтым не страцілі ніводнага. Бамбавікі тыпаў F-35, F-16 і F-15 збліжаліся са сваімі цэлямі (пераважна ў безабароннай сталіцы — Тэгеране) на адлегласць да 50 кіламетраў, каб скінуць кіраваныя бомбы, піша Bild.
Такі манеўр, на першы погляд, даволі рызыкоўны. Аднак з боку іранскіх Узброеных сіл практычна не было ніякага супраціву. Толькі на адной-адзінай базе на напад адказала сістэма СПА. Сотні афіцэраў і пілотаў Ірана нават не ведалі, што наогул нешта адбываецца.
Гэта сведчыць пра масіраваную кібератаку з ужываннем сродкаў электроннай вайны, якая, верагодна, пачалася ўжо пры ўзлёце ізраільскіх самалётаў. Такім чынам Ізраілю, відаць, удалося на некалькі гадзін адключыць іранскія радары з дапамогай сродкаў РЭБ. Іранскія ВПС, якія падняліся ў паветра, проста не бачылі цэляў.
Акрамя таго, Ізраіль, відавочна, вывеў са строю сувязь паміж рознымі падраздзяленнямі СПА і прыватныя камунікацыйныя сістэмы — мабільныя тэлефоны, рацыі і пэйджары. Ні СМС, ні WhatsApp, ні званкі не папярэдзілі атакаваныя аб'екты пра маючыя адбыцца ўдары Ізраіля.
Інакш, лічаць аглядальнікі Bild Ханс-Юрген Фелевальд і Юліян Ропке, немагчыма растлумачыць, чаму каля двух дзясяткаў іранскіх генералаў былі ў сваіх ложках у момант, калі на іх дамы пасыпаліся ізраільскія снарады, і загінулі.
У цэлым рэжым Ірана аказаўся сляпы, глухі і нямы. Сувязь была адноўленая толькі раніцай, калі ізраільскія ВПС ужо зрабілі сваю працу.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары
на пачатку вайны.
Трэба трохі пачакаць, што іранцы скажуць.
Яны можа і не ведаюць, што ўшчэнт разбітыя.