За палітыку асудзілі шматдзетнага бацьку-верніка. Яго жонка памерла два гады таму
Яўгена Кудзіна прызналі вінаватым, але пакінулі на свабодзе.
Мінскі гарадскі суд вынес прысуд па справе 38-гадовага мінчука Яўгена Кудзіна. Мужчыну абвінавачвалі ў «закліках да нанясення шкоды нацыянальнай бяспецы» (ч. 3 арт. 361 Крымінальнага кодэкса), яму пагражала ад 4 да 12 гадоў калоніі.
Натуральна, апраўдаць па падобнай палітычнай справе яго не маглі, беларуская рэпрэсіўная сістэма не робіць так. Але выглядае, што ўсё ж удалося знайсці нейкую такую юрыдычную фармулёўку, каб прызнаць Кудзіна вінаватым, але пакінуць на свабодзе.
Магчыма, рэч у тым, што Яўген Кудзін — шматдзетны бацька. У яго тры сыны — старэйшы толькі скончыў першы клас, малодшаму тры гады. Жонка Яўгена Вера памерла два гады таму. Мужчына ажаніўся яшчэ раз, але, магчыма, застаўся адзіным законным прадстаўніком дзяцей.
Кудзіны — прыхаджане евангельскай царквы «Благадаць». Яўген — вельмі сямейны чалавек, у яго сацсетках немагчыма знайсці ніводзін здымак, дзе б ён быў не з дзецьмі.
Гэта другі вядомы выпадак за апошні час, калі суды дэманструюць «гуманнасць» па палітычных справах і не прызначаюць пакаранне. У канцы мая 2025 года Ніне Багінскай не сталі прызначаць ні хатнюю хімію, ні тэрмін у калоніі, а абмежаваліся прэвентыўным наглядам.
Разам з тым у Беларусі па-ранейшаму налічваецца амаль 1200 палітзняволеных.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары