Шведскае тэлебачанне атрымала здымкі, якія паказваюць развіццё ядзернай базы ў Асіповічах і ў Калінінградзе
Шведскае грамадскае тэлебачанне SVT апублікавала спадарожнікавыя здымкі, што сведчаць пра актыўную мадэрнізацыю расійскіх ядзерных аб’ектаў у Беларусі і іншых рэгіёнаў, блізкіх да ЕС.
Сярод галоўных аб’ектаў, што прыцягнулі ўвагу журналістаў і экспертаў, — вайсковая база ў Асіповічах. Паводле даных SVT, на тэрыторыі базы адбываецца мадэрнізацыя савецкага сховішча ядзернай зброі:
вакол збудавання ўзведзена тры ўзроўні агароджаў, усталявана новая платформа для чыгуначных паставак грузаў, а таксама сістэмы супрацьпаветранай абароны.
Пра гэта паведамляюць ядзерныя даследчыкі з амерыканскай арганізацыі FAS (Federation of American Scientists), на якіх спасылаецца SVT.
Такім чынам, Асіповічы пераўтвараюцца ў адну з ключавых кропак ядзернай інфраструктуры Расіі па-за межамі яе тэрыторыі. Гэта значыць, што Беларусь становіцца не проста саюзнікам Расіі, а часткай яе ядзернага кантынгенту, што нясе рызыку не толькі для рэгіёна, але і для самой краіны — бо робіць яе мішэнню ў выпадку канфлікту.
Акрамя Асіповічаў, шведскія журналісты згадваюць Калінінград, дзе, згодна з інфармацыяй польскага ўрада, ужо можа захоўвацца да 100 адзінак тактычнай ядзернай зброі.
На Новай Зямлі ўзводзяцца новыя будынкі, а на Кольскім паўвостраве будуюць дзясяткі бункераў для ракет падводных лодак.
Міністр абароны Швецыі Пол Ёнсан адзначае, што Расія развівае не толькі інфраструктуру, але і ядзерную дактрыну, зніжаючы парог для пагроз.
З моманту пачатку поўнамаштабнай вайны ва Украіне, па яго словах, Расія больш за 200 разоў выкарыстоўвала ядзерную рыторыку на розных узроўнях.
Паводле міжнародных экспертаў, Крэмль мэтанакіравана выкарыстоўвае страх Захаду перад ядзернай зброяй як інструмент палітычнага ціску.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары