У пачатку мая ў Петрыкаўскім раёне разрад маланкі забіў 71 карову. Пад удар трапіў і жывёлавод, які знаходзіўся побач. Па шчаслівым збегу абставін мужчына застаўся жывы.
Вясковец сачыў за статкам кароў, якія знаходзіліся на вольным выпасе паблізу фермы аднаго з сельгаспрадпрыемстваў. Калі ў другой палове дня пачалася навальніца, ён схаваўся ў драўляным вагончыку, што знаходзіўся там жа, паведамляе Дзяржаўны камітэт судовых экспертыз.
У пэўны момант жывёлавод вырашыў праверыць, ці на месцы каровы. Удар маланкі парушыў планы. Мужчына страціў прытомнасць. Ачуняў, калі дождж скончыўся.
Са скаргамі на слабасць, дрыжыкі, ламату ў суставах і цягліцавыя болі ў канечнасцях вяскоўца шпіталізавалі.
Медыцынскія работнікі зафіксавалі ў яго фігуры Ліхтэнберга (сляды маланкі), а таксама парушэнне рытму сэрца. У бальніцы ён правёў 8 дзён.
У экспертна-крыміналістычным сектары па Петрыкаўскім раёне Жыткавіцкага міжраённага аддзела Дзяржаўнага камітэта судовых экспертыз па Гомельскай вобласці пацвердзілі: жывёлавод сапраўды атрымаў электратраўму, якая праявілася фігурамі Ліхтэнберга на пярэдняй паверхні грудной клеткі і электрычным паражэннем міякарда. Гэта адносіцца да лёгкіх цялесных пашкоджанняў па прыкмеце кароткачасовага расстройства здароўя.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары