Яўгена Кудзіна асудзілі па цяжкім палітычным артыкуле, але пакінулі дома.
38-гадовы мінчук Яўген Кудзін унесены ў спіс «тэрарыстаў», які складае КДБ. Яго імя дадалося пасля чарговага абнаўлення 13 чэрвеня.
Кудзін — шматдзетны бацька, актыўны вернік. Ён прыхаджанін евангельскай царквы «Благадаць»
Яўген гадуе трох сыноў, старэйшы толькі скончыў першы клас, малодшаму тры гады. Жонка Вера памерла два гады таму. Мужчына ажаніўся яшчэ раз, але, магчыма, застаўся адзіным законным прадстаўніком дзяцей.
Нядаўна Яўгена асудзілі за «заклікі да нанясення шкоды нацыянальнай бяспецы» (ч. 3 арт. 361 Крымінальнага кодэкса), яму пагражала ад 4 да 12 гадоў калоніі.
Кудзіна прызналі вінаватым, але пакінулі на свабодзе.
Спачатку яго абвясцілі «экстрэмістам», а цяпер яшчэ і «тэрарыстам».
Знаходжанне ў тэрарыстычным спісе значна ўскладняе жыццё ў Беларусі. Немагчыма мець сім-картку на сваё імя, немагчыма рабіць безнаяўныя плацяжы — нават аплаціць камуналку, немагчыма купляць ці прадаваць жыллё.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары