У Магілёве генпракурор Швед адкрыў памятны знак, прысвечаны ахвярам генацыду
У Магілёве адкрылі памятны знак, прысвечаны ахвярам генацыду беларускага народа ў гады Другой сусветнай вайны.
Памятны знак размясціўся па вуліцы Раўчакова ў Казіміраўскім лесе.
«У 1941-1944 гадах фашысты расстрэльвалі тут мірных жыхароў, цэлыя сем'і габрэяў, былых вайскоўцаў і ваеннапалонных чырвонаармейцаў, удзельнікаў супраціву нацысцкаму рэжыму з ліку падпольшчыкаў і партызан і, магчыма, частка прывезеных з Польшчы ці іншых еўрапейскіх краін габрэяў, а таксама цыган, інвалідаў і душэўна хворых людзей», — піша БелТА.
Летась тут былі пошукавыя работы пры ўдзеле 52-га пошукавага батальёна УС Беларусі пад кіраўніцтвам пракуратуры Магілёўскай вобласці. Як паведамляе БелТА, там знойдзена сем расстрэльных ям, а ў іх астанкі 304 ахвяр, з іх 134 жанчыны і адно дзіця.
Памятны знак на гэтым месцы называецца «Дрэва жыцця». Побач з ім — брацкая магіла, дзе перапахавалі знойдзеныя астанкі мірных жыхароў.
На адкрыцці быў генпракурор Андрэй Швед, а таксама старшыня Магілёўскага аблвыканкама Анатоль Ісачанка.
-
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
-
Таксістам загадалі тэрмінова зняць усю рэкламу казіно і букмекераў з бартоў машын
-
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»
Каментары
[Зрэдагавана]
[Зрэдагавана]