U Mahilovie hienprakuror Švied adkryŭ pamiatny znak, pryśviečany achviaram hienacydu
U Mahilovie adkryli pamiatny znak, pryśviečany achviaram hienacydu biełaruskaha naroda ŭ hady Druhoj suśvietnaj vajny.
Pamiatny znak raźmiaściŭsia pa vulicy Raŭčakova ŭ Kazimiraŭskim lesie.
«U 1941-1944 hadach fašysty rasstrelvali tut mirnych žycharoŭ, cełyja siemji habrejaŭ, byłych vajskoŭcaŭ i vajennapałonnych čyrvonaarmiejcaŭ, udzielnikaŭ supracivu nacysckamu režymu ź liku padpolščykaŭ i partyzan i, mahčyma, častka pryviezienych z Polščy ci inšych jeŭrapiejskich krain habrejaŭ, a taksama cyhan, invalidaŭ i dušeŭna chvorych ludziej», — piša BiełTA.
Letaś tut byli pošukavyja raboty pry ŭdziele 52-ha pošukavaha bataljona US Biełarusi pad kiraŭnictvam prakuratury Mahiloŭskaj vobłaści. Jak paviedamlaje BiełTA, tam znojdziena siem rasstrelnych jam, a ŭ ich astanki 304 achviar, ź ich 134 žančyny i adno dzicia.
Pamiatny znak na hetym miescy nazyvajecca «Dreva žyćcia». Pobač ź im — brackaja mahiła, dzie pierapachavali znojdzienyja astanki mirnych žycharoŭ.
Na adkryćci byŭ hienprakuror Andrej Švied, a taksama staršynia Mahiloŭskaha abłvykankama Anatol Isačanka.
Kamientary
[Zredahavana]
[Zredahavana]