Белы дом апублікаваў фотаздымкі прэзідэнта ЗША Дональда Трампа і яго каманды, зробленыя ў Сітуацыйнай зале ў момант, калі наносіўся ўдар па Іране, а таксама зварот Трампа да нацыі.
У звароце да нацыі Трамп назваў бамбардзіроўкі» выдатным ваенным поспехам» і заявіў, што цяпер Іран павінен заключыць мір. Ён нагадаў, што знішчаныя аб'екты былі самымі буйнымі і найбольш небяспечнымі, але ў Іране «яшчэ засталося шмат цэляў», і далейшыя атакі могуць быць яшчэ больш разбуральнымі.
«Так працягвацца не можа. Будзе альбо мір, альбо трагедыя для Ірана», — сказаў Трамп.
«40 гадоў яны крычалі «смерць» Амерыцы і Ізраілю, забівалі і забівалі, я даўно хацеў пакласці гэтаму канец, мы працавалі з Нетаньяху як адна каманда».
«Хуліган Блізкага Усходу павінен заключыць мір — неадкладна».
«Гэта будзе альбо мір, альбо трагедыя для Ірана. Засталося яшчэ мноства цэляў».
«Хай дабраславіць Бог Блізкі Усход, Ізраіль і Амерыку!»
Трамп паставіў ультыматум Ірану: «Іран павінен неадкладна спыніць вайну і заключыць мір, інакш па ім нанясуць новы ўдар».
Упершыню ў гісторыі ў атацы бралі ўдзел бамбардзіроўшчыкі B-2 коштам 2 млрд долараў кожны, яны скінулі 6 супрацьбункерных бомбаў GBU-57 на Фардо.
Самалёты B-2 ляцелі без прыпынкаў каля 37 гадзін з базы ў Місуры і некалькі разоў дазапраўляліся ў паветры.
30 ракет «Тамагаўк» былі выпушчаныя па Натанзе і Ісфахане з падводных лодак.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі18
Каментары