Краіны НАТА дамовіліся павялічыць выдаткі на абарону да 5% ад ВУП. Раней на гэтым настойваў Трамп
Сёння дзяржавы-члены альянса выдаткоўваюць на патрэбы абароны толькі 2% ад ВУП. Павелічэнне выдаткаў тлумачыцца неабходнасцю супрацьстаяць росту пагрозы з боку Расіі.
Краіны НАТА 22 чэрвеня ўзгаднілі заяву да саміта, які адбудзецца ў Гаазе на наступным тыдні. У дакуменце для дзяржаў-членаў устанаўліваецца мэта — 5% валавога ўнутранага прадукту (ВУП) на выдаткі, звязаныя з абаронай і бяспекай, паведамляе Reuters.
Заява атрымала «зялёнае святло» ад усіх 32 членаў НАТА (неабходны кансэнсус), але стане афіцыйнай толькі пасля таго, як яе зацвердзяць лідары, у тым ліку прэзідэнт ЗША Дональд Трамп, на саміце ў сераду.
Цяперашні мэтавы паказчык выдаткаў альянсу на абарону складае 2% ад ВУП, але Трамп раней настойваў на павелічэнні гэтага ўзроўню да 5%.
Згодна з планам кіраўніка НАТА Марка Рутэ, краіны дасягнуць 5% ВУП праз павелічэнне асноўных выдаткаў на абарону з 2% да 3,5%, а таксама дадатковыя 1,5% на сумежныя артыкулы, такія як адаптацыя дарог і мастоў пад ваенную тэхніку і кібербяспека.
Першапачаткова Рутэ прапаноўваў дасягнуць новай мэты да 2032 года, але, паводле дыпламатаў, канчатковы тэрмін у тэксце — 2035 год. У 2029 годзе таксама запланаваны перагляд гэтай мэты.
У заяве сцвярджаецца, што значнае павелічэнне выдаткаў на абарону неабходнае, каб супрацьстаяць росту пагрозы з боку Расіі. Гэта дазволіць Еўропе ўзяць на сябе большую адказнасць за ўласную бяспеку.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
Европа должна быть обороноспособной перед лицом рашизма.