Прэзідэнт ЗША Дональд Трамп заявіў, што сітуацыя ва Украіне «цалкам выйшла з-пад кантролю». Пра гэта ён сказаў падчас закрытай сустрэчы з лідарамі краін НАТА, паведаміла крыніца выдання Bloomberg.
Паводле слоў крыніцы, Трамп адзначыў, што трэба нешта рабіць, хоць і не ўдакладніў, што менавіта. Ягоныя словы былі ўспрынятыя як пазітыўны сігнал у бок Украіны.
Публічна Трамп заявіў, што гатовы разгледзець перадачу Украіне дадатковых сістэм супрацьпаветранай абароны Patriot. Ён прызнаў, што ЗША таксама патрэбныя гэтыя комплексы, у тым ліку для падтрымкі Ізраіля, але выказаў надзею, што магчымасць дапамагчы знойдзецца і для Кіева. Аднак ён не ўдакладніў, ці працягнецца вайсковая падтрымка Украіны ўвогуле.
Трамп таксама пракаментаваў сваё ранейшае выказванне пра тое, што «скончыць вайну за 24 гадзіны». Паводле яго слоў, гэта быў сарказм. Ён прызнаў, што вайна аказалася значна складанейшай, чым іншыя канфлікты, і назваў расійскага прэзідэнта Уладзіміра Пуціна «вельмі складаным чалавекам», а таксама адзначыў, што і з прэзідэнтам Украіны Уладзімірам Зяленскім «былі праблемы».
Трамп сказаў, што, на яго думку, Пуцін сапраўды хоча спыніць вайну, з якой «не можа выбрацца». Ён назваў сітуацыю «беспарадкам» для Расіі і заявіў, што вельмі здзіўлены — меркаваў, што вырашыць усё будзе лягчэй:
«Ён хацеў бы выйсці з гэтай сітуацыі. Для яго гэта беспарадак… Я лічу, што ён — чалавек, які проста заблытаўся. На самай справе я вельмі здзіўлены. Я думаў, мы лёгка ўсё ўладзім».
Таксама ён паведаміў, што мае намер зноў паразмаўляць з Пуціным, але калі — не ўдакладніў. Паводле яго слоў, Зяленскі 25 чэрвеня таксама выказаў жаданне, каб вайна скончылася як мага хутчэй.
Трамп: Магчыма, Пуцін мае тэрытарыяльныя прэтэнзіі за межамі Украіны
З заявы па выніках саміту НАТА выключылі крытыку Расіі і абяцанне прыняць у альянс Украіну
Рубіа пра санкцыі супраць Расіі: Трамп ведае правільны час і месца для іх увядзення
Зяленскі ўпершыню з’явіўся на саміце NATO ў касцюме — але не ў класічным
Каментары