У Беларусі пашыраецца практыка ўдзелу святароў Беларускай праваслаўнай царквы ў ініцыятывах уладаў, скіраваных на фармаванне «патрэбнага» стаўлення да сацыяльных і дзяржаўных пытанняў. Гэта тычыцца не толькі агульных духоўна-маральных аспектаў, але і выразна ідэалагічных мерапрыемстваў, такіх як Адзіны дзень інфармавання, піша «Хрысціянская візія».
Так, напрыклад, у Жлобіне ў склад інфармацыйна-прапагандысцкай групы, якая праводзіла такую сустрэчу 24 чэрвеня на тэму «Беларусь — краіна магчымасцяў», увайшоў святар — іерэй Павел Куліш з храма Святой Жыватворнай Тройцы. Ён выступіў перад супрацоўнікамі МНС, а ў сваёй прамове
«закрануў духоўна-маральныя асновы ўстойлівага грамадства, падкрэсліўшы, што сям'я і вера з'яўляюцца трывалым падмуркам выхавання асобы, сапраўднага патрыятызму і адказных адносін да сваёй справы».
У гэты ж час іншы прыклад зафіксавалі ў Мастах, дзе ў РАУС прайшла сустрэча з людзьмі, не занятымі ў эканоміцы — так званымі «дармаедамі». У ёй удзельнічалі супрацоўнікі міліцыі, прадстаўнікі сацыяльнай службы, псіхолаг і настаяцель мясцовага храма іконы Божай Маці «Усіх смуткуючых Радасць» айцец Уладзімір Саверчанка. Гэта была частка дзяржаўнай праграмы па «прафілактычным уздзеянні» на працаздольных беспрацоўных грамадзян, якая дзейнічае з 1 красавіка 2025 года.
Такія сустрэчы накіраваныя на «матывацыю» людзей да працаўладкавання, і, як адзначае ініцыятыва «Хрысціянская візія», удзел святароў у падобных мерапрыемствах адзначаецца ёй упершыню.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»13
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары