Pravasłaŭnych śviataroŭ stali pryciahvać da pracy z «darmajedami»
U Biełarusi pašyrajecca praktyka ŭdziełu śviataroŭ Biełaruskaj pravasłaŭnaj carkvy ŭ inicyjatyvach uładaŭ, skiravanych na farmavańnie «patrebnaha» staŭleńnia da sacyjalnych i dziaržaŭnych pytańniaŭ. Heta tyčycca nie tolki ahulnych duchoŭna-maralnych aśpiektaŭ, ale i vyrazna ideałahičnych mierapryjemstvaŭ, takich jak Adziny dzień infarmavańnia, piša «Chryścijanskaja vizija».
Tak, naprykład, u Žłobinie ŭ skład infarmacyjna-prapahandysckaj hrupy, jakaja pravodziła takuju sustreču 24 červienia na temu «Biełaruś — kraina mahčymaściaŭ», uvajšoŭ śviatar — ijerej Pavieł Kuliš z chrama Śviatoj Žyvatvornaj Trojcy. Jon vystupiŭ pierad supracoŭnikami MNS, a ŭ svajoj pramovie
«zakranuŭ duchoŭna-maralnyja asnovy ŭstojlivaha hramadstva, padkreśliŭšy, što siamja i viera źjaŭlajucca tryvałym padmurkam vychavańnia asoby, sapraŭdnaha patryjatyzmu i adkaznych adnosin da svajoj spravy».
U hety ž čas inšy prykład zafiksavali ŭ Mastach, dzie ŭ RAUS prajšła sustreča ź ludźmi, nie zaniatymi ŭ ekanomicy — tak zvanymi «darmajedami». U joj udzielničali supracoŭniki milicyi, pradstaŭniki sacyjalnaj słužby, psichołah i nastajaciel miascovaha chrama ikony Božaj Maci «Usich smutkujučych Radaść» ajciec Uładzimir Savierčanka. Heta była častka dziaržaŭnaj prahramy pa «prafiłaktyčnym uździejańni» na pracazdolnych biespracoŭnych hramadzian, jakaja dziejničaje z 1 krasavika 2025 hoda.
Takija sustrečy nakiravanyja na «matyvacyju» ludziej da pracaŭładkavańnia, i, jak adznačaje inicyjatyva «Chryścijanskaja vizija», udzieł śviataroŭ u padobnych mierapryjemstvach adznačajecca joj upieršyniu.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim12
Vyzvalenyja biełaruskija palitviaźni parazmaŭlali ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2222
Kamientary