«Анапа памірае, пусцее горш, чым зімой. У горадзе жудаснае беспрацоўе»
Уладальнікі малога бізнесу з Анапы скардзяцца на страты праз адсутнасць турыстаў пасля разліву мазуту. Па іх словах, улады ігнаруюць праблему, піша «Осторожно, новости».
Як распавяла выданню Анастасія, уладальніца брэнда касметыкі, сёлета падчас турыстычнага сезона Анапа пустуе. Мясцовыя кірмашы на цэнтральных вуліцах горада зачыненыя, гатэлі і рэстараны напаўпустыя.
«Я выступала ў мэрыі з прапановамі як можна было б падтрымаць бізнес, і ўсе яны рэальныя, адэкватныя. Але яны праігнараваныя. Ездзіла на форум у Краснадар да губернатара, таксама не далі агучыць праблему Анапы. Мы сталі як ізгоі, пра нас як быццам мэтанакіравана маўчаць. І нам не даюць казаць», — распавяла Анастасія.
Са слоў жанчыны, у горадзе жудаснае беспрацоўе, многія бізнесы банкрутуюць, сем'і кідаюць дамы і з'язджаюць.
Разліў мазуту адбыўся 15 снежня 2024 года. Падчас шторму ў Керчанскім праліве пацярпелі крушэнне два танкеры: «Волгонефть-212» і «Волгонефть-239». У выніку аварыі ў Чорнае мора вылілася каля 3,7 тысячы тон мазуту. Ужо 17 снежня забруджанне дасягнула пляжаў Анапы, што прывяло да ўвядзення рэжыму надзвычайнай сітуацыі ў рэгіёне.
Хаця ўлады і заяўлялі пра «лакальны інцыдэнт», наступствы аказаліся значна больш сур’ёзнымі. Паток турыстаў у рэгіён рэзка скараціўся.
Каментары
І сьогодні проблему можна вирішити подібним чином: видворити понаїхавших нахабних юродивих злочинців, і запросити замість них кримських татар і українців.
Міжнародне право на стороні України.