Прэзідэнт ЗША, які ўжо выпускаў розныя тавары, цяпер вывеў на рынак два новыя водары.
«Парфума Trump ужо тут. Яна называецца Victory 45-47 [парадкавы нумар прэзідэнцтваў Трампа — НН], бо ўсё круціцца вакол перамогі, сілы і поспеху — для мужчын і жанчын. Набудзьце флакон і не забудзьцеся ўзяць яшчэ адзін для сваіх каханых.
На сайце gettrumpfragrances (гэта значыць «атрымаеце водары Трампа» можна знайсці больш інфармацыі:
«Для патрыётаў, якія ніколі не здаюцца, як прэзідэнт Трамп. Гэты водар — ваш баявы кліч у флаконе. З культавым выявай Трампа і паднятым кулаком гэты лімітаваны eau de cologne ўвасабляе сілу, уладу і перамогу»
Флаконы выкананы ў форме маленькага пазалочанага Трампа. Яны даступныя ад 249 даляраў. Дакладных дадзеных аб паху або інгрэдыентах няма. У апісанні жаночага варыянту сказана:
«Кожны пшык Victory 47 увасабляе ўпэўненасць, прыгажосць і нястрымную рашучасць. Вытанчаны, тонка жаноцкі водар для любога выпадку».
Мужчынскі водар, наадварот, прызначаны для джэнтльменаў, «якія вядуць з сілай, упэўненасцю і мэтанакіраванасцю — гэта больш, чым eau de cologne; гэта ода стойкасці і поспеху».
Пакуль крытыкі высмейваюць парфумерныя ідэі Трампа, прэзідэнт ЗША робіць касу.
Ён ужо выпускаў залатыя красоўкі, гадзіннікі і Бібліі. Тавары прадаюцца — бо Трамп бізнэсмен. Ніводны іншы прэзідэнт не зарабляў столькі на сваім рэкламным вобразе, як ён. Паводле звестак CNN, толькі ў 2023 годзе Трамп зарабіў 7,2 мільёна даляраў на ліцэнзійнай угодзе з кампаніяй NFT INT, LLC, якая распаўсюджвае яго тавары, піша Bild.
Тое, што робіць Трамп, не забаронена. Тым не менш узнікае канфлікт інтарэсаў. Як прэзідэнт ЗША ён уплывае на амерыканскую эканоміку, а значыць, і на ўласны бізнэс. Сам ён, відаць, не бачыць у гэтым праблемы і завяршае сваю рэкламу парфумы ў Truth Social з амаль тэлекрамнай лёгкасцю: «Атрымлівайце задавальненне, атрымлівайце асалоду — і заставайцеся на дарозе перамогі».
-
Стас Міхайлаў, Міхаіл Шуфуцінскі і Наташа Каралёва праспявалі для кіраўнікоў СНД у Эрмітажы
-
Мелоні выставіла на аўкцыён кур’ёзныя дзяржаўныя падарункі. Сярод лотаў — чаравікі са скуры пітона, iPad ад Зяленскага і мех рысу
-
Загінуў Вінс Зампела — распрацоўшчык відэагульняў Call of Duty і Battlefield 6
Каментары
Superstar lapidaric edition