Юрый Гурскі, адзін з самых вядомых венчурных інвестараў Беларусі, страціў кантроль над адным з галоўных сваіх бізнэс-актываў — кампаніяй Flo Health Group, распрацоўшчыкам папулярнага дадатку для жаночага здароўя Flo. Як паведамляе выданне «Белорусы и рынок», гэта стала вядома з гадавога фінансавага дакладу брытанскай часткі кампаніі — Flo Health UK.
Да жніўня 2024 года кантроль над Flo Health належаў кампаніі Palta Group, зарэгістраванай на Кайманавых астравах, асноўным уладальнікам якой з’яўляецца Гурскі.
Аднак у жніўні Flo Health прыцягнула каля 230 мільёнаў даляраў інвестыцый пад кіраўніцтвам фонду General Atlantic, і пасля здзелкі доля Palta Group значна зменшылася. Кампанія страціла большасць галасоў і ўжо не з’яўляецца канчатковым уладальнікам.
У 2024 годзе выручка Flo Health UK вырасла на 51% і склала 168,2 мільёна даляраў, а страты да падаткаабкладання скараціліся на 12% (да 21,8 мільёна). Найбуйнейшым рынкам для Flo сталі ЗША, дзе выручка павялічылася з 59,8 мільёна да 86,8 мільёна даляраў. У топ-5 таксама ўвайшлі: Вялікабрытанія (17,4 мільёна), Аўстралія (9,6 мільёна), Канада (7,4 мільёна) і Германія (7,2 мільёна).
Дарэчы, дырэктарам Flo Health UK з’яўляецца Дзмітрый Гурскі, брат Юрыя.
У 2024 годзе Юрый Гурскі займаў 30-е месца ў спісе 100 найпаспяховейшых бізнэсменаў Беларусі. Аднак цяпер ягоныя пазіцыі могуць аслабіцца не толькі праз страту Flo Health, але і праз асабістыя праблемы — ён удзельнічае ў складаным разводзе з новай жонкай. Раней, у 2020 годзе, яго першая жонка, Ірына Гурская, была забітая ў сваім доме на Кіпры падчас нападу. Злачынца, грамадзянін Літвы, быў затрыманы і асуджаны на 22 гады.
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары