У Беларусі спрасцілі працэдуру продажу тавараў з падвойнымі кодамі маркіроўкі
Урад і Нацбанк перагледзелі патрабаванні да працы касавага абсталявання. Як паведамляе прэс-служба Савета міністраў, адпаведную пастанову падпісалі прэм’ер-міністр Аляксандр Турчын і першы намеснік старшыні праўлення Нацбанка Аляксандр Ягораў.
У паведамленні гаворыцца, што пастанова дазволіць мінімізаваць узніклыя з 1 ліпеня складанасці ў гандлёвых аб’ектах, звязаныя з неабходнасцю адначасовага сканавання пры продажы тавараў нанесеных на іх ідэнтыфікацыйных знакаў у выглядзе лінейнага штрых-кода (GTIN) і QR-кода. Апошні наносіцца паводле дзейнай у краіне сістэмы маркіроўкі тавараў.
Так, у залежнасці ад віду тавару, ён можа быць прамаркіраваны нацыянальным QR-кодам або QR-кодам, што ўжываецца ў адпаведнасці з міжнароднымі абавязацельствамі — Пагадненнем аб маркіроўцы тавараў сродкамі ідэнтыфікацыі ў Еўразійскім эканамічным саюзе ад 2 лютага 2018 года.
Падпісаная пастанова дазволіць выключыць неабходнасць сканіравання нацыянальнага QR-кода, якім зараз маркіруецца большасць тавараў, у тым ліку тавараў паўсядзённага попыту.
У дачыненні да тавараў, прамаркіраваных у адпаведнасці з Пагадненнем, у большасці выпадкаў застанецца абавязак па сканаванні толькі міжнароднага QR-кода, бо ён уключае ў сябе GTIN.
Гэта датычыцца малочнай прадукцыі, абутку, шын і асобных тавараў лёгкай прамысловасці, у тым ліку верхняга адзення, сталовага, пасцельнай бялізны.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары