Украіна атакавала вайсковы завод у Чувашыі, які робіць кампаненты для «шахедаў» і ракет «Іскандэр»
У ноч на 5 ліпеня Украіна ўдарыла па расійскім вайсковым заводзе «ВНІІР-Прагрэс» у Чабаксарах (Чувашская Рэспубліка).
Цэллю былі магутнасці па вытворчасці адаптыўных антэнных рашотак «Камета» — яны выкарыстоўваюцца ў «шахедах», ракетах «Іскандэр-К», у модулях для кіраваных авіябомбаў і іншым высокадакладным узбраенні.
«Пацверджана, што сродкі паражэння дасягнулі раёна цэлі. Вынікі ўдакладняюцца», — паведаміў Генштаб УСУ.
Кіраўнік Чувашыі Алег Нікалаеў пацвердзіў атаку на завод. Ён сказаў, што вытворчасць не працуе пасля мінулай атакі ў чэрвені гэтага года
«Сёння раніцай у Чувашыі зафіксаваная атака двума ўкраінскімі беспілотнікамі. Дзякуючы зладжанай працы экстранных службаў удалося пазбегнуць ахвяр і пацярпелых.
Адзін дрон упаў на дах пустуючага будынка АТ «ВНІІР», вытворчасць на якім прыпынена пасля папярэдняй атакі ў чэрвені бягучага года, другі пашкодзіў склад на Лапсарскім праездзе, які будуецца», — адзначыў кіраўнік рэгіёну.
-
Зяленскі заявіў пра гатоўнасць да мірнага пагаднення з размежаваннем па цяперашняй лініі фронту
-
У Расіі чарговы рэгіён скараціў выплаты сем’ям загінулых на вайне супраць Украіны
-
Адрэзаў сабе ступню нажом для тушонкі і працягваў ваяваць. Гісторыя ўкраінца, якога эвакуявалі беспілотнікам пасля 491 дня на пазіцыі
Каментары