У Мінску колькасць немаўлят скарацілася на траціну проці 2020 года
Калі ў 2020 годзе ў Мінску нарадзілася звыш 17 тысяч дзяцей, то ў 2024-м колькасць нованароджаных паменшала прыкладна на 5 тысяч — да 12 тысяч.
Такія лічбы назвала «Смартпрэс» загадчыца 4-й жаночай кансультацыі 1-й гарадской клінічнай бальніцы Мінска, кіраўніца гарадскога цэнтра «Экстрагенітальная паталогія і цяжарнасць» Аляксандра Шкарупа.
Медык прыводзіць і іншую статыстыку па Мінску: узрост 60% цяжарных — ад 30 да 40 гадоў, а колькасць тых, хто чакае дзіця, са спадарожнымі паталогіямі, за апошнія пяць гадоў павялічылася амаль удвая.
«Такім чынам, мы назіраем тэндэнцыю да зніжэння колькасці родаў, павелічэння ўзросту цяжарных жанчын і да росту спадарожных захворванняў, якія могуць ускладняць ход цяжарнасці», — канстатуе Аляксандра Шкарупа.
Раней Белстат упершыню з часоў пандэміі апублікаваў даныя аб нараджальнасці ў Беларусі. У 2024 годзе ў краіне нарадзіліся 58 938 дзяцей — што ўдвая менш, чым было дзесяць гадоў таму (у 2014 годзе на свет з'явіліся 118 697 беларусаў).
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары
мн. немаўля́там
Вінавальны
каго? што? немаўля́
мн. немаўля́т
Творны
кім? чым? немаўлём
>проці 2020 года
про́ці, прыназ.
Разм. Тое, што і супраць. [Марыля:] Што адзін зробіш проці ўсіх? Не ідуць, мой сынок, рэчкі ўгару і не круціцца крылле ў ветраку проці ветру. Купала.
-------------------
І наш асёл за працу ўзяўся шчыра: Як можна, вушы свае шырай Ён растапырыў, распрастаў І проці сонца стаў. Крапіва.
-------------------------
У 2020 годзе ў Мінску нарадзілася звыш 17 тысяч дзяцей.
17 тысяч дзяцей : 270 = 63 дзіцёнка ў паралелі. Гэта 2 класа па 31-32 вучня.
У 2024-м колькасць нованароджаных паменшала прыкладна на 5 тысяч — да 12 тысяч.
12 тысяч дзяцей пойдуць у школу праз 6 гадоў, у 2030м годзе.
12 тысяч дзяцей : 270 = 44 вучня ў паралелі. Гэта 2 класа па 22 вучня.