Уначы 6 ліпеня ў 01:06 у цэнтр аператыўнага кіравання Полацкага падраздзялення МНС паступіла паведамленне з цэнтральнай гарадской бальніцы: малады мужчына быў шпіталізаваны з апёкамі.
Фота ілюстрацыйнае
Як высветлілася, мужчына 1996 года нараджэння ўдзельнічаў у святкаванні Купалля ў вёсцы Фарынава Полацкага раёна. Падчас абраду ён паспрабаваў пераскочыць цераз вогнішча, але спатыкнуўся і ўпаў у агонь. На ім загарэлася майка.
Агонь прысутным пры гэтым удалося хутка патушыць. Пасля гэтага пацярпелы сам звярнуўся да медыкаў.
Пасля агляду мужчыну шпіталізавалі з апёкамі рознай ступені цяжкасці.
Каментары