Магутны ўраган пашкодзіў шэсць ліній Магілёўскай ЦЭЦ. Пра гэта журналістам распавёў генеральны дырэктар РУП «Магілёўэнерга» Канстанцін Пуціла, піша БелТА.
«Ураган зачапіў Магілёўскую ЦЭЦ-2: 6 адыходзячых ліній 110 кВт, і ўсе як адна пашкоджаныя. Кожная лінія мае пашкоджаныя апоры. Усяго пашкоджана 18 апор, з іх 14 жалезабетонных, 4 апоры металічныя», — распавёў ён.
Усё неабходнае для правядзення аднаўленчых работ ёсць, адзначыў Канстанцін Пуціла.
«Мы задзейнічалі 12 брыгад, з іх 4 брыгады з «Магілёўэнерга» — гэта служба ліній электраперадачы і брыгады іншых энергасістэм», — адзначыў ён.
Што тычыцца размеркавальнай сеткі, пашкоджанняў таксама нямала: 24 лініі магутнасцю 10 кВт.
«Вельмі шмат заявак па 0,4 кВт. Гэта ў першую чаргу Магілёў, зачапіла Быхаўскі, Шклоўскі і Магілёўскі раёны. Сабрана намі 45 брыгад, плюс яшчэ 45 брыгад з іншых энергасістэм падключаюцца на дапамогу», — адзначыў ён.
У прыватнасці, як паведамілі ў РУП «Мінскэнерга», у дапамогу магілёўскім калегам было накіравана 13 аварыйна-аднаўленчых брыгад, абсталяваных больш як 10 адзінкамі спецыяльнай тэхнікі.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё6
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары