Дзяржаўны сакратар ЗША Марка Рубіа пракаментаваў заяву прэзідэнта ЗША Дональда Трампа пра тое, што ЗША нібыта дамовіліся з НАТА: за амерыканскую зброю для Украіны будзе плаціць альянс. Пра гэта Рубіа заявіў на палях сустрэчы краін АСЕАН у малайзійскім Куала-Лумпуры, паведамляе «Еўрапейская праўда».
Паводле слоў Рубіа, гаворка ідзе не пра нейкую новую схему паставак, а хутчэй пра ўжо наяўную практыку — калі еўрапейскія краіны купляюць узбраенне ў ЗША, а потым перадаюць яго Украіне. Ён растлумачыў, што не ўсе сістэмы, якія патрэбныя Украіне, вырабляюцца ў Еўропе, таму іх даводзіцца закупляць у амерыканцаў.
Акрамя таго, ЗША заклікаюць саюзнікаў з НАТА аддаваць Украіне зброю са сваіх запасаў, а потым набываць замену ў Штатах. Гэта нашмат хутчэй, чым чакаць новыя пастаўкі з заводаў. Такі падыход, паводле Рубіа, і меў на ўвазе Трамп.
Прэзідэнт Украіны Уладзімір Зяленскі паведаміў, што Германія і Нарвегія ўжо гатовыя купіць тры зенітныя комплексы Patriot для Украіны.
Таксама стала вядома, што Трамп упершыню за сваю кадэнцыю плануе перадаць Украіне зброю са стратэгічных запасаў ЗША на суму $300 млн — праз механізм прэзідэнцкіх паўнамоцтваў, якім раней карыстаўся Джо Байдэн.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары