Дзяржсакратар ЗША Марка Рубіа паведаміў, што Злучаныя Штаты расчараваныя тым, што не адбываецца прагрэсу ў мірных перамовах па вайне ва Украіне. Ён заявіў пра гэта пасля сустрэчы з міністрам замежных спраў Расіі Сяргеем Лаўровым, падкрэсліўшы, што, нягледзячы на расчараванне, ЗША маюць намер працягваць дыпламатычныя кантакты.
Акрамя таго, Рубіа расказаў, што Штаты вядуць перамовы з некаторымі краінамі, такімі як Іспанія і Германія, наконт паставак дадатковых зенітна-ракетных комплексаў Patriot для Украіны. Па яго словах, ідзе актыўны пошук «крэатыўных» шляхоў забеспячэння Кіева абаронным узбраеннем.
Ён таксама паведаміў, што адміністрацыя Дональда Трампа разглядае магчымасць увядзення новых санкцый супраць Расіі. Для гэтага могуць выкарыстоўвацца як дзейныя паўнамоцтвы прэзідэнта, так і магчымы новы закон, які зараз абмяркоўваецца з Кангрэсам.
Што да паставак зброі Украіне, то Рубіа растлумачыў, што прыпыненне некаторых паставак было часовым — звязаным з пераглядам запасаў Пентагонам. Але цяпер пастаўкі працягваюцца за кошт сродкаў, выдзеленых яшчэ папярэдняй адміністрацыяй.
Што тычыцца самога прэзідэнта ЗША Дональда Трампа, то ён неаднаразова меў тэлефонныя размовы з Уладзімірам Пуціным і казаў, што тыя былі «прыемнымі». Аднак на фоне расійскіх удараў па Украіне нават ён прызнаў, што словы Пуціна не вартыя даверу.
8 ліпеня Трамп зрабіў адну з самых рэзкіх заяваў на адрас Пуціна з 2016 года, назваўшы яго словы «поўнай лухтой» (bullshit) і паабяцаў павялічыць вайсковую падтрымку Украіны. На пытанне пра новыя санкцыі супраць Расіі ён адказаў: «Разглядаю такую магчымасць».
Махляр пры дапамозе ШІ выдаў сябе за Марка Рубіа і звязаўся з трыма міністрамі замежных спраў
Трамп абяцаў Пуціну разбамбіць Маскву к чортавай мацеры, калі Расія нападзе на Украіну
Пяскоў не абвергнуў і не пацвердзіў, што Трамп пагражаў разбамбіць Маскву к усім чарцям
Як Трамп выкарыстоўвае «тэорыю вар'ята», каб мяняць свет пад сябе. І ў яго атрымліваецца
Трамп паабяцаў Зяленскаму неадкладна адправіць Украіне ракеты-перахопнікі для Patriot
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары