У МНС распавялі пра наступствы ўчорашняй непагадзі: пашкоджанні, падтапленні, паваленыя дрэвы
15 ліпеня на тэрыторыю Беларусі абрынуўся лівень з навальніцамі. Найбольш пацярпелі ад прыроднай стыхіі ў Мінскім, Віцебскім і Гомельскім рэгіёнах.
У сталіцы з 13:20 да 18:00 выпала 45 мм ападкаў — двайная норма, што выклікала падтапленні 17 участкаў дарог, 4 прыватных дамоў, падвала шматкватэрнага дома і трох адміністрацыйных будынкаў.
Паводле «Мінсктранса», надвор’е выклікала перабоі ў працы грамадскага транспарту.
У Жлобіне за гадзіну выпала 32,7 мм ападкаў, што прывяло да падтаплення прыватнага дома на вул. Чкалава.
Увечары адбыліся дзве аварыйныя сітуацыі на дарогах Віцебшчыны. У 19:40 у Браслаўскім раёне з-за дажджу на дарогу з’ехаў земляны адкос з расліннасцю, рух быў перакрыты і адноўлены пасля ачысткі праезнай часткі.
А 22:07 каля в. Гарадняны адбыўся падмыў і разбурэнне ўчастка дарогі Н-2306, праезд быў зачынены, арганізаваны аб’езд, там ідуць рамонтныя працы.
У Мінскім раёне, паблізу аграгарадка Лугавая Слабада, на тэрыторыі філіяла «Мінскі» ААТ «Агракамбінат «Дзяржынскі» пашкоджаны дахі двух сельскагаспадарчых будынкаў.
Акрамя таго, зафіксаваны тры выпадкі падзення дрэў: адзін — у Віцебскай вобласці, два — у Мінску. У Полацку ад падзення дрэва быў пашкоджаны легкавы аўтамабіль.
Па дадзеных МНС, ніхто з людзей не пацярпеў.
-
Ад праверкі лічыльнікаў да паездкі ў Маскву: як Таццяна міжволі стала кур’ерам махляроў — падрабязная гісторыя
-
Грамадзянін Францыі спрабаваў увезці ў Беларусь пісталет
-
«Гэта Слава Э., ён быў вельмі інтэлігентны і прыстойны». Сумная гісторыя мужчыны, цела якога знайшлі ў доме ў атачэнні сабак у Маладзечанскім раёне
Цяпер чытаюць
Новы старшыня Канстытуцыйнага суда адправіў сына вучыцца на разведчыка ў акадэмію ГРУ. А як пачалася вайна, хутчэй забраў з Расіі16
Каментары