Гендырэктара ІТ-кампаніі адхілілі пасля відэа з падначаленай на канцэрце Coldplay
«Astronomer адданы каштоўнасцям і культуры, якімі мы кіраваліся з моманту нашага заснавання, — гаворыцца ў заяве. — Ад нашых лідараў чакаецца датрыманне стандартаў як у паводзінах, так і ў субардынацыі. Рада дырэктараў пачала афіцыйнае расследаванне гэтага пытання, і мы неўзабаве падзелімся дадатковымі дэталямі», — гаворыцца ў заяве кампаніі.
Амерыканская тэхналагічная кампанія адправіла свайго генеральнага дырэктара ў адпачынак пасля таго, як стала вірусным відэа з абдымкамі двух яе супрацоўнікаў, якія трапілі ў кадр на канцэрце Coldplay, піша Бі-бі-сі.
На відэа, якое з’явілася на гіганцкім экране стадыёна Gillette у Фоксбара, штат Масачусэтс, відаць мужчына і жанчына, якія абдымаюцца. Калі іхнія твары з’яўляюцца на вачах тысяч людзей, мужчына і жанчына рэзка прыгінаюцца і хаваюцца ад камеры.
Паведамленні пра тое, што абое працуюць на кіраўнічых пасадах у кампаніі Astronomer, распаўсюдзіліся ў Сеціве.
Позна ўвечары ў пятніцу кампанія пацвердзіла ў X, што яе генеральнага дырэктара Эндзі Байрана адправілі ў адпачынак. Відэа, на якім пара пагойдваецца пад музыку, а потым спрабуе хутка схавацца, выбухнула ў інтэрнэце пасля канцэрту ў сераду ўвечары.
Крыс Марцін, вакаліст Coldplay, убачыўшы, як пара хаваецца, сказаў публіцы: «Або ў іх раман, або яны проста вельмі сарамлівыя». Першае відэа, апублікаванае ў TikTok, назбiрала мільёны праглядаў. Потым яго распаўсюдзілі на розных пляцоўках, ператварылі ў мемы і высмеялі ў тэлевізійных праграмах.
Праз два дні пасля таго, як інтэрнэт запоўніўся чуткамі пра абдымкі, Astronomer апублікаваў заяву, у якой аб’явіў пра расследаванне гэтай справы, не ўдакладняючы, пра якое менавіта відэа ідзе гаворка.
«Astronomer адданы каштоўнасцям і культуры, якімі мы кіраваліся з моманту нашага заснавання, — гаворыцца ў заяве. — Ад нашых лідараў чакаецца датрыманне стандартаў як у паводзінах, так і ў субардынацыі. Рада дырэктараў пачала афіцыйнае расследаванне гэтага пытання, і мы неўзабаве падзелімся дадатковымі дэталямі».
Жанчыну з відэа ідэнтыфікавалі як Крысцін Кэбат, галоўнага дырэктара па персанале кампаніі, якая працуе ў Astronomer з лістапада 2024 года.
Каментары