19 ліпеня ў мікрараёне Баравуха ў Наваполацку сапёры з атрада «Віцязь» знішчылі выбухам аварыйны трохпавярховы будынак — былую вайсковую казарму. Як паведамілі ў МНС, усе работы прайшлі належным чынам, без здарэнняў.
Будынак па вуліцы Азёрнай быў узведзены яшчэ ў 1936 годзе. У 2021 годзе яго разам з другой падобнай казармай на аўкцыёне купіла прыватная фірма з Віцебска за сімвалічную плату — усяго за адну базавую велічыню. Папярэднія спробы прадаць гэтыя аб’екты працягваліся пяць гадоў.
Паводле ўмоў аўкцыёну, інвестар павінен быў перарабіць будынкі ў жыллё з паліклінікай і нежылымі памяшканнямі, але да рэалізацыі праекта справа так і не дайшла.
Мікрараён Баравуха (былы вайсковы гарадок Баравуха-1) стаў часткай Наваполацка ў 2019 годзе. Ён быў заснаваны ў 1935—1936 гадах у рамках будаўніцтва Полацкага ўмацаванага раёна. Некаторыя будынкі таго часу захаваліся дагэтуль.
На Брэстчыне замест аднаўлення касцёла ў маёнтку Ажэшкаў шукаюць тых, хто дапаможа пазбавіць яго ахоўнага статусу
У вёсцы пад Оршай пры падрыхтоўцы да Дажынак знішчылі гістарычныя будынкі
У Гродне знеслі чарговы дом у гістарычным цэнтры. На грамадскім абмеркаванні інфармацыю пра знос утаілі ад людзей
У Мінску перасабралі Ракаўскае прадмесце. Там ужо гуляюць, фатаграфуюцца і ядуць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары