У Шатландыі школьнік знайшоў на пляжы абломкі карабля XVIII стагоддзя
На Аркнейскіх астравах у Шатландыі школьнік у мінулым годзе падчас прабежкі заўважыў на пляжы рэшткі драўлянага карабля, якія тырчалі з пяску. Пасля гэтага археолагі разам з мясцовымі жыхарамі высветлілі, што гэта могуць быць рэшткі вайсковага карабля XVIII стагоддзя пад назвай «Граф Чатэм», які ўдзельнічаў у вайне за незалежнасць ЗША, піша Associated Press.
Рэшткі карабля з’явіліся на паверхні пасля буры, якая знесла пласт пяску. Мясцовыя фермеры вывезлі адтуль некалькі тон дубовых бярвенняў, а навукоўцы правялі даследаванні. Аналіз драўніны паказаў, што яна паходзіць з паўднёвай Англіі сярэдзіны XVIII стагоддзя.
Археолагам удалося звязаць знаходку з канкрэтным караблём дзякуючы архіўным запісам. У выніку яны прыйшлі да высновы, што гэта можа быць 24-гарматны фрэгат Каралеўскага флоту «Граф Чатэм», які ўдзельнічаў у спробах Вялікабрытаніі захаваць амерыканскія калоніі ў 1770-х гадах.
У 1784 годзе карабель прадалі і ён пачаў плаваць у Арктыцы, дзе займаўся кітабойным промыслам — тлушч кітоў у той час вельмі цанілі.
Спецыялісты адзначаюць, што змены клімату ўплываюць на прыродныя ўмовы і могуць прывесці да таго, што падобныя знаходкі будуць адбывацца часцей.
Мясцовая жыхарка Рут Піс падкрэсліла, што гэты выпадак нагадаў, як мінулае ў такіх месцах заўсёды побач — ці то відавочна, ці схавана пад паверхняй.
Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі
Археолагі кажуць, што адкрылі сярэднявечны горад пад Рагачовам
Археолагі пачалі раскопкі на Заслаўскім замку. У планах — выявіць вялікую браму
У Кітаі турыст пашкодзіў дзве фігуры Тэракотавай арміі
Цяпер чытаюць
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары