Дачка Стыва Джобса выйшла замуж за конніка. На вяселлі спяваў Элтан Джон
Іў Джобс выйшла замуж у мінулыя выхадныя — за спартсмена-канкурыста Гары Чарльза. Вяселле прайшло ў раскошным гатэлі Estelle Manor і абышлося, па чутках, больш чым у 6 мільёнаў даляраў, піша Bild.
Адно толькі гадзіннае выступленне Элтана Джона, па звестках The Sun, каштавала 1,3 мільёна даляраў.
Урачыстасць аплаціла, верагодна, маці нявесты — удава Стыва Джобса Ларын Паўэл Джобс. Успадкаванае ёю багацце, паводле звестак Forbes, ацэньваецца прыкладна ў 15 мільярдаў даляраў (уключаючы акцыі Walt Disney і Apple). Дзеці ж Джобса афіцыйна не атрымалі нічога — па жаданні бацькоў, яны зарабляюць самастойна. Аднак, мяркуючы па вяселлі, зразумела — калі фінансава прыцісне, то мама побач.
У 2021 годзе Іў Джобс атрымала дыплом па гісторыі ў Стэнфардскім універсітэце (навучанне таксама аплаціла маці). Акрамя таго, яна выступае ў спаборніцтвах па верхавой яздзе на найвышэйшым узроўні і перамагае на міжнародных турнірах. Джобс стала пятай сярод найлепшых конніц свету ва ўзросце да 25 гадоў.
У апошнія тры гады яна таксама паспяхова працуе мадэллю, удзельнічае ў кампаніях для Louis Vuitton, была на вокладцы Vogue і выходзіць на подыум па ўсім свеце.
Яе ўласнае багацце ацэньваецца ў суму ад 500 тысяч да аднаго мільёна даляраў ЗША. Зарабляе яна і як мадэль, і як спартовец — прызавыя на конных турнірах могуць складаць больш за 100 000 даляраў за перамогу.
Забяспечаны і муж Іў Джобс Гары Чарльз. 26-гадовы брытанец — алімпійскі чэмпіён 2024 года па канкуры. Ягонае багацце ацэньваецца ў суму ад 0,6 да 2,5 мільёнаў даляраў.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі14
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары