Украінскі салдат уратаваўся з акружэння на электраровары, які яму скінулі з дрона
Баец УСУ, атрымаўшы цяжкае раненне на фронце, выбраўся з акружэння на электраровары. Транспарт яму даставілі проста на перадавую з дапамогай дрона. Аперацыю правялі байцы ўкраінскага батальёна «Рубеж».
Як распавёў малодшы лейтэнант Мікалай Грыцэнка, начальнік штаба брыгады, баец з пазыўным «Танкіст» быў адзіным жывым сярод чатырох украінскіх салдат, якія трымалі гэту пазіцыю. Ён заставаўся адзін на гэтай пазіцыі каля 5 дзён і быў цалкам акружаны — «вораг быў спераду, ззаду і на абодвух флангах, паведамляе УНІАН.
«Пад’ехаць туды на тэхніцы немагчыма, бо ўсюды вораг. Выйсці самастойна ён таксама не мог, бо да бліжэйшай пазіцыі яму трэба было ісці паўтара кіламетра. У яго стане, з раненнямі ніжніх канечнасцей, ён бы проста не дайшоў», — распавёў Грыцэнка.
Грыцэнка сказаў, што яго каманда распрацавала план эвакуацыі, які прадугледжваў дастаўку электраровара да пазіцыі знясіленага салдата з дапамогай цяжкіх дронаў — тыпу «Вампір» або «Heavy Shot».
Вялікай праблемай была вага. Так, электраровар важыць каля 40 кілаграмаў. Такія дроны, як «Вампір» або «Кажан», цягнуць да 15 кілаграмаў, «Heavy Shot» — можа цягнуць 40, але пры гэтым далёкасць палёту скарачаецца прыкладна да 2 кіламетраў.
Грыцэнка паведаміў, што было некалькі няўдалых спроб дастаўкі. Першы дрон быў збіты разам з роварам, а другі разбіўся з-за таго, што яго рухавікі згарэлі.
Ён дадаў, што ровар спачатку разабралі на часткі і даставілі на пазіцыю бліжэй да лініі сутыкнення. Пасля гэтага яго сабралі і ўключылі, а затым даставілі да салдата.
Брыгада «Рубеж» апублікавала кадры, на якіх трэці дрон перавозіць ровар з дапамогай лябёдкі, і кадры таго, як баец яго атрымлівае.
«Мы рабілі стаўку на хуткасць, на нечаканасць, на бясшумнасць ровара і, вядома, на мужнасць і адвагу самога «Танкіста»», — адзначыў Грыцэнка.
Дзядок расказаў, як паводзіў бы сябе ў сённяшняй Беларусі і што будзе далей5
Каментары