Рубіа: Ключавым элементам заканчэння вайны РФ супраць Украіны будзе пытанне тэрыторый
«У любым пагадненні павінны быць саступкі; саступкі павінны быць з боку Расіі і, вядома, з боку Украіны. Гэта складана..», — сказаў дзяржсакратар ЗША.
Дзяржсакратар ЗША Марка Рубіа заявіў, што ключавым элементам заканчэння развязанай РФ вайны супраць Украіны стане тэрытарыяльнае пытанне. Пра гэта ён сказаў у інтэрв’ю тэлеканалу Fox Business, піша «Еўрапейская праўда».
Рубіа дадаў, што часткай мірнага працэсу павінна стаць спыненне агню, паколькі, па яго словах, «цяжка весці перамовы пра дэталі канчатковага мірнага пагаднення, калі вы страляеце адзін у аднаго».
Таму, як перакананы дзяржсакратар, у ідэале неабходна «перайсці да кароткатэрміновага спынення агню і выкарыстаць гэты час для канчатковага ўрэгулявання канфлікту». Пры гэтым ён лічыць, што «наперадзе доўгі шлях, каб зразумець, як скончыць вайну».
Адначасова Рубіа распавёў, што «ключавымі элементамі любога заканчэння вайны будуць тэрытарыяльныя пытанні».
«У любым пагадненні павінны быць саступкі; саступкі павінны быць з боку Расіі і, вядома, з боку Украіны. Гэта складана… Я думаю, што ўмовы, на якіх яна павінна скончыцца, — гэта заўсёды складаная частка», — адзначыў ён.
Пры гэтым, па словах Рубіа, у ЗША цяпер лепш разумеюць умовы, «на якіх Расія будзе гатовая скончыць вайну».
«Цяпер мы павінны параўнаць гэта з тым, што гатовыя прыняць украінцы і нашы еўрапейскія саюзнікі, але, вядома, у першую чаргу — украінцы», — дадаў дзяржсакратар.
Ён падкрэсліў, што ўпершыню з пачатку працы адміністрацыі Дональда Трампа «мы маем канкрэтныя прыклады таго, чаго можа патрабаваць Расія, каб скончыць вайну».
Нагадаем, 6 жніўня адбылася сустрэча пасланніка прэзідэнта ЗША Стыва Уіткафа і гаспадара Крамля Уладзіміра Пуціна.
У Крамлі заявілі, што падчас размовы адбыўся абмен «пэўнымі сігналамі» адносна расійска-украінскай вайны.
А Дональд Трамп назваў сустрэчу «вельмі прадуктыўнай» і без дэталяў паведаміў, што «быў дасягнуты значны прагрэс».
Каманда Трампа ўжо пачала планаваць сустрэчу прэзідэнта ЗША з Пуціным
Белы дом: Сустрэчу Трампа і Пуціна прапанаваў расійскі бок
Сустрэча Трампа і Пуціна будзе, але не факт, што на наступным тыдні
Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары
Международное Право будет выброшено в мусорку.
А что Рубио скажет о репарациях, о преступлениях русских против человечества и человечности ? Наверно ничего не скажет.
Главное бабки на счетах лапидара и премия мира от Нобеля, а потом поновому, на новый круг ?
Дзякуй Зянону Пазьняку за заклік на пачатку вайны да беларускай арміі не ваяваць на баку Расеі.