Ушакоў: Амерыканцы зрабілі нам прапанову, якая нам падалася прымальнай
Памочнік Уладзіміра Пуціна Юрый Ушакоў сказаў, што сустрэча Уладзіміра Пуціна і Дональда Трампа адбудзецца на наступным тыдні.
«Амерыканцы зрабілі нам прапанову, якая нам падалася прымальнай», — заявіў 7 жніўня расійскім журналістам памочнік Уладзіміра Пуціна Юрый Ушакоў.
Ушакоў сказаў, што сустрэча Уладзіміра Пуціна і Дональда Трампа адбудзецца на наступным тыдні. Яе месца ўжо вызначанае, але пакуль яно не называецца.
Учора крыніцы ў заходніх урадах паведамлялі, што сустрэча Уіткафа з Пуціным была больш прадуктыўнай, чым чакалася. Трамп 6 жніўня ўвечары неадкладна сазваніўся з Зяленскім і лідарамі Еўропы.
Еўрапейскія кіраўнікі, якія раней спрабавалі арганізаваць перамовы па спыненні агню ва Украіне, пагадзіліся з ініцыятывай Трампа.
Зяленскі сам удзельнічаў у гэтай размове і пазней адзначыў, што «здаецца, Расія цяпер больш схільная да перамір’я».
У размове, акрамя Трампа і Зяленскага, таксама ўдзельнічалі прэм’ер-міністр Вялікабрытаніі Кір Стармер, федэральны канцлер Германіі Фрыдрых Мерц, прэзідэнт Фінляндыі Аляксандр Стуб, генеральны сакратар НАТА Марк Рутэ, віцэ-прэзідэнт ЗША Джэй Дзі Вэнс, дзяржсакратар ЗША Марка Рубіа і спецыяльны пасланнік Трампа Стыў Уіткаф, які сёння сустракаўся з Пуціным у Маскве.
Нямецкае выданне Bild, у сваю чаргу, напісала, што Дональд Трамп стэлефанаваўся з Фрыдрыхам Мерцам і сказаў, што сустрэча Уіткафа была больш прадуктыўнай, чым чакалася.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары
Пасля рашучых суперрашычых разьюшаных слоў ультіматума у адказ пачць
Не надо Д.ональд.е очаровыватся чтоб не разачаровыватся)))
Прыйсці з прапановай Мілый давай начнем сначало ))
Украіна застаецца без захопленых тэрыторый і падаць у суд за напад і забойства украінцаў не можа.
Усё на баку рф.
Выглядае як здрада.