Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы
«Праз некалькі хвілін пасля пачатку нашай размовы чыноўнік спытаў, колькі будзе каштаваць арганізацыя інтэрв'ю з Time».
Журналіст Time Сайман Шустэр, які напісаў кнігу пра Уладзіміра Зяленскага, узяў інтэрв'ю ў Аляксандра Лукашэнкі. Але цікавыя акалічнасці таго, як наогул адбылася гэта размова і хто быў ініцыятарам.
«Рэдка якія прапановы былі такімі настойлівымі, як тыя, якія паступілі да мяне гэтай вясной ад саюзнікаў дыктатара Беларусі Аляксандра Лукашэнкі», — піша Шустэр.
«Не адразу стала ясна, чаго хочуць пасярэднікі. Я ніколі не быў у Беларусі і шмат пра яе не пісаў, хоць мае рэпартажы пра яе суседзяў, Расію і Украіну, дапамаглі мне зразумець гісторыю Лукашэнкі. У Еўропе яму належыць сумніўны гонар заставацца ва ўладзе даўжэй, чым любому іншаму дзейнаму лідару, — дзіўны 31 год без перапынку, што азначае, што большасць з дзевяці мільёнаў жыхароў яго краіны, якая не мае выхаду да мора, ніколі ў сваім дарослым жыцці не бачылі іншага кіраўніка. Яго рэжым таксама з'яўляецца адным з самых рэпрэсіўных і ізаляваных у свеце, з жудаснымі адносінамі і амаль поўнай адсутнасцю гандлю з чатырма з пяці яго суседзяў і амаль поўнай залежнасцю ад пятага — Расіі».
«Таму для мяне не было відавочным рашэнне прыняць званок у траўні ад чыноўніка з урада Лукашэнкі, які, здавалася, трохі адвык ад зносін з заходнімі СМІ. Праз некалькі хвілін пасля пачатку нашай размовы чыноўнік спытаў, колькі будзе каштаваць арганізацыя інтэрв'ю з Time, і ў яго голасе прагучала здзіўленне, калі ён даведаўся, што гэты працэс не можа быць звязаны з якім-небудзь хабарам.
«Проста ўдакладняю, — сказаў ён, — каб у далейшым пазбегнуць непаразуменняў».
Пасля яшчэ некалькіх званкоў і паведамленняў мы дамовіліся аб умовах сумоўя; сустрэча павінна была адбыцца ў Мінску, сталіцы Беларусі, і ні адно пытанне або тэма не павінны былі застацца без абмеркавання. Толькі пазней, пасля некалькіх гутарак з амерыканскімі і еўрапейскімі дыпламатамі, матывы Лукашэнкі сталі вядомыя», — напісаў Шустэр.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары