Аляксандр Лукашэнка 8 жніўня правёў тэлефонную размову з прэзідэнтам Расіі Уладзімірам Пуціным. Ягоная прэс-служба паведамляе, што гаворка ішла ў тым ліку пра справы перамоў адносна вайны ва Украіне.
Аляксандр Лукашэнка і Уладзімір Пуцін падчас сустрэчы на расійскім востраве Валаам 1 жніўня 2025 года
Паведамляецца, што Лукашэнка і Пуцін абмеркавалі сустрэчу прэзідэнта Расіі са спецыяльным прадстаўніком прэзідэнта ЗША Стывенам Уіткофам, а таксама прапановы амерыканскага боку наконт мірных перамоў.
Пуцін нібыта падрабязна расказаў Лукашэнку пра перамовы, што прайшлі ў Крамлі, і пра дамоўленасці з прэзідэнтам ЗША Дональдам Трампам адносна будучай сустрэчы, месца якой цяпер узгадняецца.
Каментары