Асуджаны на 10 гадоў зняволення адвакат Максім Знак стаў пераможцам прэміі «Парушэнне спакою» Цэнтра Вацлава Гаўла, якая прысуджаецца адважнаму пісьменніку ў небяспецы.
Прэмія адзначае аўтараў выбітных твораў мастацкай літаратуры, літаратурнай публіцыстыкі, біяграфій, мемуараў, драматургіі або паэзіі, якія праяўляюць адважнасць у іншадумстве і зазнаюць несправядлівы пераслед за абарону дэмакратыі і правоў чалавека, паведамляе Беларускі ПЭН.
Пры абвяшчэнні ўзнагароды Біл Шыпсі — праваабаронца, заснавальнік і дырэктар ініцыятывы Art for Human Rights, а таксама сябра Рады дырэктараў Цэнтра Вацлава Гаўла — адзначыў:
«Як калега-юрыст, хай і ў маім выпадку ўжо ў адстаўцы, я вельмі рады, што Максім Знак быў адзінагалосна абраны журы прэміі як годны лаўрэат гэтага года. Знак адбывае дзесяцігадовае пакаранне, прызначанае ў верасні 2021 года. Ягоная кніга «Зэкамерон» належыць да ліку самых кранальных і магутных узораў турэмнай літаратуры»
Максім Знак — адвакат, навуковец, пісьменнік, палітзняволены, які адбывае 10-гадовы тэрмін у калоніі ўзмоцненага рэжыму па беспадстаўных абвінавачаннях. Ён быў арыштаваны 8 верасня 2020 года ў Штабе Бабарыкі.
-
«Не марнуйце час». Кампанія праехала 22 кіламетры ў рэстаран пад Гроднам, заплаціла за ўваход у яго, але засталася галоднай
-
27 мігрантаў паспяхова перайшлі беларуска-літоўскую мяжу, але засвяціліся на камеры літоўскіх паляўнічых ВІДЭА
-
«Мы ўжо не постсавецкае грамадства». Алесь Бяляцкі выступіў на Нобелеўскай канферэнцыі
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч11
Каментары