Украінскія вайскоўцы вызвалілі сяло ў Сумскай вобласці, якое месяц было пад акупацыяй
Некалькі чалавек, якія заставаліся жыць у Бязсалаўцы, адмаўляліся эвакуявацца.
Украінскія вайскоўцы вызвалілі з-пад расійскай акупацыі сяло Бязсалаўка ў Сумскай вобласці. Пра гэта паведамляе Генштаб УСУ.
Да аперацыі былі прыцягнутыя падраздзяленні 33-га асобнага штурмавога палка і 24-га асобнага штурмавога батальёна. Падчас баёў былі забітыя 18 расійскіх салдат.
Расейцы ўвайшлі ў сяло 7 ліпеня 2025 года — месяц яно было пад акупацыяй.
Кіраўнік Белапольскай абшчыны Юрый Зарко ў каментары СМІ паведамляў, што ў Бязсалаўцы заставаліся некалькі чалавек, піша РБК-Украіна. Яны адмовіліся эвакуявацца. З ягоных слоў, сувязі з жыхарамі Бязсалаўкі няма, мабільныя сеткі там не працуюць.
Апошнія месяцы расейцы ўзмацнілі наступальныя дзеянні на мяжы Сумскай вобласці. Яны хочуць стварыць так званую «буферную зону» ў памежных раёнах Украіны.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары