Калі саміт з Пуціным праваліцца, Трамп можа ўвесці санкцыі супраць «Раснафты» і «Лукойла»
ЗША разглядаюць магчымасць увядзення санкцый супраць расійскіх нафтавых гігантаў «Раснафта» і «Лукойл», калі сустрэча Дональда Трампа з Уладзімірам Пуціным на Алясцы не дасць прагрэсу ў пытанні перамір’я з Украінай. Пра гэта паведаміла агенцтва Bloomberg са спасылкай на крыніцы.
Мэта такіх мераў — скараціць энергетычныя даходы Крамля. Паводле слоў апытаных чыноўнікаў, Трамп спадзяецца, што, калі санкцыі і будуць уведзеныя, іх дзеянне будзе кароткатэрміновым, каб мінімізаваць уплыў на сусветныя цэны.
Сярод іншых варыянтаў разглядаюцца дадатковыя абмежаванні для так званага «ценявога флоту» танкераў Масквы і новыя мытныя зборы для пакупнікоў расійскай нафты, уключаючы Кітай. Любое з гэтых рашэнняў могуць уводзіць паступова.
«Раснафта» і «Лукойл» — найбуйнейшыя вытворцы нафты ў Расіі, якія разам забяспечваюць каля паловы ўсяго экспарту сырой нафты краіны (прыблізна 2,2 мільёна барэляў у дзень у першай палове гэтага года).
Напярэдадні саміту Трамп папярэдзіў, што Пуцін сутыкнецца з сур’ёзнымі эканамічнымі наступствамі, калі не будзе зацікаўлены ў спыненні вайны ва Украіне. Міністр фінансаў ЗША Скот Бесент дадаў, што ўсе варыянты санкцый застаюцца «на стале» — як для іх змякчэння, так і для ўзмацнення.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары