МЗС Расіі пракаментаваў магчымасць размяшчэння войскоўцаў краін НАТА ва Украіне
Лідары ЕС на сустрэчы з Дональдам Трампам у Белым доме прапаноўвалі размяшчэнне вайскоўцаў еўрапейскіх краін ва Украіне пасля заканчэння вайны як адну з гарантый бяспекі краіны. Падкрэслівалася, што гутарка не ідзе пра кантынгент НАТА. У РФ пракаментавалі прапанову.
Любое размяшчэнне войскаў дзяржаў НАТА ва Украіне катэгарычна непрымальнае для Расіі і пагражае рэзкай эскалацыяй, заявілі ў панядзелак у МЗС РФ.
«Пацвярджаем не раз агучаную пазіцыю аб нашым катэгарычным непрыманні любых сцэнароў, што прадугледжваюць з’яўленне ва Украіне ваеннага кантынгенту з удзелам краін НАТА, што пагражае некантралюемай эскалацыяй канфлікту з непрадказальнымі наступствамі», — гаворыцца ў каментарыі на сайце МЗС РФ.
Генеральны сакратар НАТА Марк Рутэ напярэдадні заявіў, што пытанне пра сяброўства Украіны ў НАТА «цяпер не абмяркоўваецца», але вядуцца перамовы аб магчымых гарантыях бяспекі для Кіева. Паводле яго, гэтыя гарантыі маглі б быць падобныя да механізмаў калектыўнай абароны, прадугледжаных статутам альянсу. Ён адзначыў, што гаворка ідзе пра «дыскусіі, якія працягваюцца», а не пра канкрэтныя рашэнні.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары
Чаму маскавітаў яшчэ не папярэджваюць пра гэта ? ці не спадзяюцца, што яны самі разумеюць свае ўласныя рызыкі ? Трэба ім сказаць пра гэта ўголас, маўчаньне яны разумеюць, як застрашанасьць...