Стала вядома, у якіх краінах можа адбыцца сустрэча Пуціна і Зяленскага
Напярэдадні канцлер Германіі Фрыдрых Мерц паведаміў, што сустрэчу плануюць правесці на працягу двух тыдняў.
Сустрэча прэзідэнтаў Расіі і Украіны — Уладзіміра Пуціна і Уладзіміра Зяленскага — можа адбыцца ў Венгрыі. Пра гэта паведамляе агенцтва Reuters са спасылкай на крыніцу ў Белым доме.
Па словах Дональда Трампа, які анансаваў гэтую падзею пасля саміту ў Вашынгтоне, месца сустрэчы яшчэ не вызначана. Паводле яго, спачатку пройдзе двухбаковая сустрэча Пуцін — Зяленскі, пасля якой адбудзецца трохбаковы саміт з удзелам амерыканскага прэзідэнта.
Як паведамляе Reuters са спасылкай на еўрапейскую дэлегацыю, такі парадак перамоў прапанаваў расійскі бок.
Канцлер Германіі Фрыдрых Мерц пацвердзіў, што сустрэчу плануюць правесці на працягу двух тыдняў.
Іншыя магчымыя месцы сустрэчы — Рым (прапанова італьянскай прэм’еркі Джорджы Мелоні) і Жэнева (прапанова прэзідэнта Францыі Эмануэля Макрона), пра гэта пісала італьянская прэса.
Венгрыя раней разглядалася як пляцоўка для сустрэчы Пуціна і Трампа, якая ўрэшце адбылася на Алясцы. Прэм’ер Венгрыі Віктар Орбан падтрымлівае цесныя сувязі і з Масквой, і з Вашынгтонам. У красавіку краіна абвясціла аб выхадзе з юрысдыкцыі Міжнароднага крымінальнага суда, што актуальна ў кантэксце выдадзенага ордара на арышт Пуціна.
Прэзідэнт жа Францыі Эмануэль Макрон назваў Жэневу ў якасці магчымай пляцоўкі для двухбаковой сустрэчы Пуціна з Зяленскім. Пра гэта ён заявіў у інтэрв’ю тэлеканалу TF1.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі27
Каментары