Лаўроў: Расія прызнае Зяленскага «кіраўніком рэжыму», але па Канстытуцыі ён нелегітымны
У інтэрв'ю амерыканскаму каналу NBC міністр замежных спраў Расіі Сяргей Лаўроў заявіў, што падчас сустрэчы прэзідэнтаў ЗША і Расіі на Алясцы магчымасць асабістай сустрэчы Уладзіміра Пуціна і Уладзіміра Зяленскага нібыта не абмяркоўвалася. Увогуле ж Расія прызнае Зяленскага дэ-факта «кіраўніком рэжыму» і гатовая з ім сустрэцца ў гэтай якасці, але паводле Канстытуцыі ён, маўляў, нелегітымны.
«Пуцін выразна заявіў, што мы гатовыя працягваць прамыя перамовы з Украінай, якія пачаліся ў Стамбуле. Ужо было тры раўнды. Ён сказаў, што сустрэча на вышэйшым узроўні павінна быць вельмі добра падрыхтаваная. Гэта значыць працэс падрыхтоўкі павінен быць узгоднены. І таму мы прапанавалі павысіць узровень дэлегацый, якія будуць сустракацца ў Стамбуле», — заявіў Лаўроў.
Аднак жа, па яго словах, «сустракацца для таго, каб у Зяленскага была яшчэ адна магчымасць пабыць у святле сафітаў», Расія лічыць «немэтазгодным».
Што да гарантый бяспекі для Украіны, то Лаўроў заявіў, што ў гэтай справе павінен быць кансэнсус, які ўлічвае інтарэсы Расіі.
Лаўроў заявіў, што сустрэча Пуціна і Зяленскага пакуль не гатовая для правядзення
Лаўроў запатрабаваў удзелу Расіі і Кітая ў гарантыях бяспекі Украіне
МЗС Расіі пракаментаваў магчымасць размяшчэння войскоўцаў краін НАТА ва Украіне
Сяргей Лаўроў прыбыў на Аляску на перамовы Трампа і Пуціна ў кофце з надпісам СССР
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары
А тым часам недзе ў Астрашыцкім Гарадку сумуе адзін лука, бо ён і кіраўнік рэжыму, і нелегетымны згодна з Канстытуцыяй.