Затрымалі аднаго з удзельнікаў ювелірнага брэнда Belaruskicry Ягора Бужылава. Прапагандысты паказалі яго
26 ліпеня стала вядома, што ювелірны брэнд Belaruskicry у Беларусі прызналі «экстрэмісцкім фарміраваннем». Праз месяц, 27 жніўня, дзяржаўнае тэлебачанне паведаміла пра затрыманне аднаго з удзельнікаў брэнда — дырэктара па вытворчасці Ягора Бужылава. У сюжэце яго паказалі за кратамі, верагодна, у ізалятары.
Прапагандыст Ігар Тур у сюжэце таксама назваў іншых людзей, звязаных з брэндам: заснавальніцу і ўладальніцу Аляксандру Куркову, яе сяброўку і гендырэктарку Марыну Сяргіеню, дзяўчыну Бужылава і менеджарку па продажах Алену Куляшову.
Акрамя таго, дзяржаўныя медыі паказалі кадры з іншымі нібыта «ўдзельнікамі схемы» — Кірылам Мілеўскім і Ганнай Клінцовай, якіх абвінавацілі ў незаконным прадпрымальніцтве і нясплаце падаткаў.
У відэа сілавікі сцвярджаюць, што ўпрыгожанні, якія пазіцыянаваліся як срэбраныя, на самай справе нібыта зробленыя з пасрэбранай латуні.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары