У ЗША і Германіі канстатавалі, што перамоў паміж Расіяй і Украінай найбліжэйшым часам не будзе
Прэс-служба прэзідэнта ЗША Дональда Трампа і федэральны канцлер Германіі Фрыдрых Мерц 28 жніўня заявілі, што Расія і Украіна пакуль зусім не гатовыя да перамоў аб міры.
Прэс-сакратарка Белага дома Кэралайн Левіт падкрэсліла, што бакі не дасягнулі пункта, які дазваляе ім спыніць баявыя дзеянні. Яна адзначыла, што прэзідэнт ЗША Дональд Трамп жадае заканчэння вайны, але для гэтага патрэбная воля з боку кіраўнікоў Расіі і Украіны. Левіт таксама адзначыла, што Трамп уважліва сочыць за развіццём падзей і зробіць дадатковую заяву па гэтым пытанні пазней.
Аналагічную думку амаль адначасова выказаў федэральны канцлер Германіі Фрыдрых Мерц. Ён заявіў, што сустрэча паміж Пуціным і Зяленскім, пра якую ішла размова пасля амерыканска-расійскага саміту на Алясцы, у найбліжэйшы час не адбудзецца. Мерц нагадаў, што без належнай падрыхтоўкі і ўзаемнай гатоўнасці бакоў да сур’ёзнага дыялогу сустрэча немагчымая.
Гэтыя заявы прагучалі пасля расійскіх удараў па Кіеве ў ноч з 27 на 28 жніўня. У горадзе двойчы аб’яўлялі паветраную трывогу, узніклі пажары і смог, часткова перапыніўся транспартнае злучэнне. Паводле апошніх даных Кіеўскай вайсковай адміністрацыі, у выніку гэтых удараў загінулі 19 чалавек.
У Расіі адкінулі еўрапейскія прапановы адносна гарантый Украіне
Зяленскі: Украіна мае ўласную зброю для далёкіх удараў па Расіі без узгаднення з ЗША
Украінскія атакі па расійскіх НПЗ вывелі з ладу каля 17% магутнасцяў
Трамп: Вайна Расіі і Украіны — асабісты канфлікт, а Пуцін не сустракаецца з Зяленскім, бо яго не любіць
Вэнс заявіў пра гатоўнасць Пуціна да «вялікіх кампрамісаў» па Украіне
Трамп так і не ўвёў санкцыі супраць Расіі і Пуціна. Ці варта верыць яго новым пагрозам?
Лаўроў: Расія прызнае Зяленскага «кіраўніком рэжыму», але па Канстытуцыі ён нелегітымны
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары