Замежнік абавязаны запоўніць анкету не пазней за 48 гадзін да перасячэння мяжы. Калі анкеты не будзе — можа чакаць штраф да 2000 еўра і дэпартацыя. Гэта датычыцца ўсяго, у тым ліку транзіту ў аэрапорце Рыгі.
З 1 верасня ў Латвіі ўступае ў сілу новая працэдура перасячэння мяжы для грамадзян шэрагу трэціх краін, у тым ліку і беларусаў.
Цяпер для ўезду трэба загадзя падаць інфармацыю пра сябе і чакаць пацверджання (або адмовы). Асноваю механізму з’яўляюцца папраўкі да Закону аб імміграцыі, прынятыя Сеймам 3 красавіка, а тэхнічную рэалізацыю ўскладзена на сайт eta.gov.lv.
Міністэрства ўнутраных спраў удакладніла, што замежнік абавязаны запоўніць анкету не пазней за 48 гадзін да перасячэння мяжы.
У анкеце трэба ўказаць мэту і тэрмін паездкі, маршрут, месца меркаванага знаходжання, кантактныя даныя, а таксама звесткі аб службе ў дзяржаўных структурах або ўдзеле ў выбарах (то-бок дэпутацтва).
Падаваць дадзеныя трэба асабіста — за іх непрадстаўленне ці скажэнне прадугледжана адміністрацыйная адказнасць (штраф да 2000 €).
Пасля адпраўкі анкеты ўязны атрымае адказ на пазначаны электронны адрас — пацверджанне або адмова. Дазваляецца падаваць звесткі і раней за 48 гадзін, але калі планы змяняюцца — трэба абнавіць інфармацыю адпаведна.
Калі чалавек уязджае транзітам і не мае кантактаў у Латвіі, неабходна пазначыць толькі даступныя кантактныя даныя.
Папраўкі распаўсюджваюцца на грамадзян трэціх краін, у якіх няма латвійскай візы або віду на жыхарства, і якія не з’яўляюцца грамадзянамі ЕС, краін NATO, Швейцарыі або Бразіліі. Такім чынам, пад новыя патрабаванні трапляюць, напрыклад, грамадзяне Беларусі і Украіны
Сістэма разлічана на тое, каб прадастаўленыя звесткі маглі выкарыстоўваць органы бяспекі і праваахоўныя структуры для ацэнкі рызык. Калі такія рызыкі будуць выяўлены, уезд у Латвію канкрэтнай асобе могуць абмежаваць.
-
Іван Прус расказаў, як нажыўся на 200 даляраў, пасяліўшы кіназорку ва ўбітай кватэры каля звалкі ў Шабанах, абстаўленай рэчамі з яго інтэрната
-
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
-
Літоўскія памежнікі знайшлі на мяжы з Беларуссю партыю цыгарэт на 260 тысяч еўра
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары