Новай камандай абаронцы Ягора Пархоменкі стане сафійскі «ЦСКА 1948».
Гулец зборнай Беларусі ўжо падпісаў кантракт з балгарскім клубам, а афіцыйнае паведамленне пра пераход футбаліста чакаецца ў найбліжэйшы час, піша football.by.
«ЦСКА 1948» заплаціць «Нёману» за трансфер абаронцы каля 70 тысяч еўра.
Пархоменка — адзіны прадстаўнік «Нёмана» (на момант апублікавання спісу), якога Карлас Алас выклікаў на матчы кваліфікацыі чэмпіянату свету супраць зборных Грэцыі (5 верасня) і Шатландыі (8 верасня).
Беларускае прадстаўніцтва ў Еўропе не такое і вялікае:
У вышэйшых дывізіёнах беларусы гуляюць у Балгарыі (два чалавекі, без уліку Пархоменкі), Бельгіі (1), Босніі і Герцагавіне (1), Грэцыі (1), на Кіпры (1), Партугаліі (1), Польшчы (2), Сербіі (1), Славеніі (1).
Што да краін былога СССР, то найбольшая дыяспара ў вышэйшым дывізіёне Казахстана (15), у Расіі (8), Кыргызстане (8). Малдова (3), Літва (2), Грузія (1), Арменія (1).
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары