Сотні чалавек знаходзяцца пад заваламі.
Як найменш 500 чалавек загінулі і больш за 1000 атрымалі раненні ў выніку землятрусу ў Афганістане, паведамілі Бі-бі-сі афіцыйныя асобы.
Ён адбыўся на ўсходзе краіны непадалёк ад горада Джэлалабад, магнітуда склала 6,0, эпіцэнтр падземных штуршкоў залягаў на адносна невялікай глыбіні — каля 8 км.
Паводле слоў некалькіх крыніц з урада Талібана, дзясяткі дамоў «пахаваныя пад заваламі», і ёсць небяспека, што колькасць загінулых можа павялічыцца.
Прадстаўнікі ўрада заклікалі гуманітарныя арганізацыі аказаць дапамогу ў выратавальных работах у аддаленых горных раёнах, у некаторыя з якіх можна дабрацца толькі па паветры з-за апоўзняў і паводак, якія абрынуліся на рэгіён раней.
Землятрус адчуваўся ў Кабуле і сталіцы суседняга з Афганістанам Пакістана — Ісламабадзе.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы11
Каментары