Нехта ад імя Вольгі Карпушонак выйшаў на сувязь з «Нашай Нівай»
Журналісты «Нашай Нівы» спрабавалі звязацца з Вольгай Карпушонак яшчэ з суботы пасля яе публікацыі з абвінавачваннем Паўла Латушкі. Але толькі цяпер атрымалі адказ з яе акаўнта ў тэлеграме. Пытанняў усё яшчэ больш, чым адказаў.
Дзе знаходзіцца Карпушонак і ці яна кантралюе свой тэлеграм, невядома. На пытанне пра сваё месца знаходжання жанчына не адказвае. Калі ж журналіст «Нашай Нівы» папрасіў запісаць відэа-кружочак у тэлеграме і агучыць сённяшнюю дату, рэакцыя была катэгарычнай:
«Магу запісаць, але дакладна не «Нашай Ніве», а сваім сябрам і калегам. Навошта вам кружочак ад «рэжымнага агента»? Не бачу ў гэтым ніякага сэнсу для сябе».
На пытанне «Ці праўда, што вы ў Беларусі?» з акаўнта Вольгі Карпушонак адказалі, што гэта хлусня.
Суразмоўца сцвярджае, што жанчына ўжо выйшла на сувязь са сваімі сябрамі і калегамі з Каардынацыйнай Рады. Мы спыталі, ці так гэта, у Таццяны Мартынавай, паплечніцы Карпушонак па фракцыі ў КР «Хопіць баяцца».
Таццяна, здаецца, пытанню здзівілася, але пацвярджаць ці абвяргаць інфармацыю пра кантакт з Вольгай не стала.
На лагічнае пытанне, чаму Вольга не публікуе кампрамат на Паўла Латушку — калі сапраўды мае такі, — адказ з акаўнта Карпушонак таксама атрымаўся расплывісты: «А чаму я павінна вам нешта тлумачыць? Не зусім разумею. «Рэжымная падсцілка» вам нічога не вінна».
Адзначым, што «НН» так дэлегатку КР не называла.
Суразмоўца ад імя Вольгі напісаў, што працяг гісторыі абавязкова будзе.
Лявончык: Сумняюся, што Карпушонак кантралюе свой акаўнт. Гэта абароты з падручніка прапаганды
«Такое ж пошлае і дурное». У Латушкі адказалі на новае відэа Вольгі Карпушонак
Дэлегатка КР Карпушонак пасля маўчання апублікавала відэа
Дзе ж сама дэлегатка КР Карпушонак, якая абвінаваціла Латушку?
«Яе дзеянні інспіраваныя спецслужбамі». Павел Латушка даў жывы эфір і адказаў на абвінавачванні Вольгі Карпушонак у дамаганнях
«Не веру, што гэта піша яна». Таццяна Мартынава сцвярджае, што Карпушонак таксама знікла
Пры Латушку кругласутачна знаходзіцца прылада, якая можа вылічыць яго месцазнаходжанне з дакладнасцю да метра
Латушка абвяргае абвінавачанні ў харасмэнце ад дэлегаткі КР Карпушонак
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары
Ребята, никто не сомневается в том, что вы уничтожаете всё беларускае в Беларуси в угоду скотного двора лукашенко.