Прэзідэнт ЗША Дональд Трамп апублікаваў у пятніцу ў сацсетцы Truth Social фота лідараў Кітая, Індыі і Расіі з каментаром аб тым, што дзве дзяржавы аказаліся ў сферы ўплыву Кітая, піша Расійская служба Радыё Свабода.
«Здаецца, што мы страцілі Індыю і Расію, якія перайшлі да глыбокага і цёмнага Кітаю. Жадаю ім доўгай і квітнеючай сумеснай будучыні!»— напісаў Трамп.
На фота, зробленым, відавочна, падчас нядаўняга саміту Шанхайскай арганізацыі супрацоўніцтва ў Кітаі, кітайскі лідар Сі Цзіньпін выходзіць з дзвярэй з прэзідэнтам Расеі Уладзімірам Пуціным, за імі ідзе прэм'ер-міністр Індыі Нарэндра Модзі.
Looks like we’ve lost India and Russia to deepest, darkest, China. May they have a long and prosperous future together! President Donald J. Trump
(TS: 05 Sep 06:14 ET)… pic.twitter.com/jxEROEIq0H
СМІ раней паведамлялі пра канфлікт паміж Трампам і Модзі і пра тое, што індыйскі прэм'ер перастаў адказваць на званкі з Вашынгтона. Злучаныя Штаты нядаўна ўвялі для Індыі дадатковыя пошліны — у тым ліку ў сувязі з закупкамі гэтай краінай расійскай нафты. З Уладзімірам Пуціным Трамп нядаўна сустракаўся на Алясцы, абодва прэзідэнты ацанілі вынікі сустрэчы як добрыя. Аднак ніякага прагрэсу па пытанні аб завяршэнні вайны ва Украіне, якога дамагаецца Трамп, дасягнута да гэтага часу не было.
Трамп апошнім часам неаднаразова казаў, што расчараваны Пуціным. Некалькімі днямі раней прэзідэнт ЗША ўжо каментаваў візіт Пуціна ў Кітай. Ён выказаў здагадку, што Сі Цзіньпін, Пуцін і кіраўнік КНДР, якія сабраліся разам на вайсковым парадзе ў Пекіне, «ладзяць змову» супраць ЗША.
У Крамлі гэта адкінулі і выказалі здагадку, што Трамп іранізуе.
-
Флавіу Балсанару абыходзіць Лулу да Сілву на выбарах прэзідэнта Бразіліі
-
Паўночная Карэя спыніла ядзерныя выпрабаванні шмат гадоў таму. Але пад зямлёй нешта працягваецца
-
Емен абвясціў маштабную вайну хусітам: 100‑тысячная армія пры падтрымцы Саудаўскай Аравіі паспрабуе вярнуць кантроль над Чырвоным морам
Цяпер чытаюць
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары