У конным клубе пасля расійскай атакі толькі дзвюм жывёлам удалося выжыць, сямёра загінулі, піша «УП».
Падчас расійскай атакі ў ноч на 7 верасня на Кіеўшчыне загінулі сем коней, у сацсетках паведамілі намесніца старшыні праўлення Усеўкраінскай федэрацыі конна-спартыўнага турызму Леся Гардзіенка і начальнік Кіеўскай АВА Мікалай Калашнік.
Сярод загінулых былі жывёлы, якія неўзабаве павінны былі выступіць на чэмпіянаце Украіны.
«Напэўна, гэта таксама ваенны аб'ект…» — пракаментавала Леся Гардзіенка прылёт шахедамі па конным клубе.
У ноч на 7 верасня РФ зрабіла масіраваную атаку па ўкраінскіх гарадах. Расійскія войскі выкарысталі 823 паветраныя сродкі атакі, з іх 751 удалося знішчыць.
У сталіцы ў выніку падзення абломкаў БпЛА загарэўся будынак Кабінета міністраў.
У Кіеве вядома пра трох загінулых, у тым ліку немаўля і яго маці.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары