Нейрасеткі робяць цуды з гістарычнай спадчынай Беларусі ШМАТ ФОТА
Новая мадэль Gemini ад Google здольная вяртаць даўно страчаныя помнікі архітэктуры і гістарычныя цэнтры гарадоў Беларусі ў іх першапачатковым выглядзе і робіць гэта фантастычна нават на аснове вельмі дрэнных фота і старадаўніх малюнкаў.
Гэта не фота з паралельнага сусвету, дзе Мінск не быў знішчаны ў Другую сусветную вайну, гэта праца нейрасеткі Gemini, якая здольная зрабіць сучасную гіперрэалістычную выяву нават з вельмі благога гістарычнага фота. Фота: тэлеграм-канал «Спадчына»
Тэлеграм-канал «Спадчына» апублікаваў галерэю выяў, якія былі створаныя новай мадэллю Nano Banana (Gemini 2.5 Flash Image) ад Google на аснове гістарычных фотаздымкаў і малюнкаў. Вынік сапраўды ўражвае сваёй эфектнасцю.
Першым аўтар выбраў зроблены з гатэля «Еўропа» здымак плошчы Свабоды ў Мінску. Фатаграфія была ў вельмі благой якасці — зярністая і невыразная, таму спадзявацца на большае, чым звычайную каларызацыю, якую робяць іншыя нейрасеткі, не даводзілася.
Аднак нейрасетка не проста каларызавала фота, яна сярод мешаніны чорна-белых пікселаў змагла зразумець, дзе на аддаленых будынках фота ліштвы, дзе балконы, а дзе — мінарэт і купал Саборнай мячэці ў Татарскім канцы, ледзь бачныя на фота.
Арыгінальнае фота мае нізкую якасць: шмат шуму і невялікае разрозненне. Але для Gemini гэта не праблема
Апрацаванае фота выглядае так, быццам нехта з акна гатэлю сфатаграфаваў плошчу на свой смартфон літаральна ўчора.
Галоўны плюс мадэлі — яна даступна бясплатна абсалютна ўсім, хто мае акаўнт у Google: дастаткова проста перайсці ў AI Studio, выбраць Try Nano Banana, закінуць гістарычны фотаздымак і напісаць на любой мове, што вы хочаце атрымаць у выніку — напрыклад, проста «палепшы гэтае фота» — вельмі часта нічога больш не трэба. Колькасць запытаў за дзень абмежаваная, але вельмі вялікая.
Цёмныя Крамы ў Мінску на фотаздымку 1941 года. Усе будынкі на фота знішчаны пасля вайны. Цяпер тут лесвіца да праваслаўнага Свята-Духавага сабора
Nano Banana можа пабачыць тое, што не бачыць нашае вока, як прыцененая разьба на цёмным дрэве. Нейрасетка можа распазнаць і аднавіць выявы па выразках з нізкаякасных міжваенных газет ці прыбраць вельмі моцную пікселяцыю фота, якая выглядае так, быццам нехта сфатаграфаваў экран тэлевізара.
Вежа езуіцкага калегіума ў Мінску. Фота апрацаванае нейрасеткай Gemini. Фота: тэлеграм-канал «Спадчына»
«Мы нарэшце можам пабачыць гістарычныя гарады і мястэчкі Беларусі такімі, якімі б яны мусілі быць сёння — ва ўсім харастве барока і з суровымі мурамі старажытных камяніц.
Гэта вельмі добры і вельмі зразумелы, навочны спосаб паказаць беларусам, што яны насамрэч страцілі, і даць зразумець, што калі гэта можа аднавіць нейрасетка, то здолеем аднавіць і мы ў натуры», — піша «Спадчына».
Nano Banana дазваляе не толькі палепшыць фота, але і адрамантаваць помнікі на фота: заладзіць дзіры ў тынкоўцы, вярнуць вокны ў закладзеныя праёмы, абразы — у алтары. Можна загадаць ёй дадаць антуражу — лавы для парафіян, алтар з царкоўным начыннем, свечкі і карункавыя абрусы, уласна саміх людзей — на што хопіць вашай фантазіі.
Койданаўская вуліца (цяпер Рэвалюцыйная) ў Мінску на фотаздымку пачатку XX стагоддзя
Фота Койданаўскай вуліцы, апрацаванае нейрасеткай Gemini. Фота: тэлеграм-канал «Спадчына»
Таксама можа накласці на сучаснае фота чарцёж недабудаванай часткі ці элемента — і Gemini у стане намаляваць яе так, быццам яна заўсёды там была.
Нейрасетка здольная адмаляваць in situ
У зыходным месцы ці ў тым месцы, дзе штосьці павінна быць.
помнік, якога ніколі не было, або цэлую мясцовасць па малюнках XVIII-XIX стагоддзя, вельмі далёкіх па дакладнасці ад любога фота — гэта значна пашырае іканаграфію помнікаў.
Мы нарэшце можам паглядзець, напрыклад, на знішчанае Берасце, якім яго маглі бачыць да будаўніцтва крэпасці. Не кажучы пра тое, што тая ж нейрасетка можа стылізаваць выяву для дзіцячай кнігі ці пад канкрэтны дызайн блога. Спадчына становіцца больш бачнай і даступнай.
Фота касцёла ў Таракані Драгічынскага раёна выглядае так, быццам зроблена ў наш час, але, на жаль, гэта праца нейрасеткі, касцёла сёння не існуе. Фота: тэлеграм-канал «Спадчына»
У нейрасеткі ёсць моцны навуковы патэнцыял, бо яна ўмее бачыць і выяўляць тое, што можа не заўважыць чалавечае вока, яна можа дапамагчы даследчыкам праверыць свае гіпотэзы, рэстаўратарам — падабраць найлепшы варыянт аднаўлення страчанага яшчэ на стадыі эскіза. Поле выкарыстання надзвычай шырокае.
Але ў Nano Banana ёсць і дрэнныя бакі. Яна працуе рандомна, па прынцыпе прыліваў і адліваў з невядомым графікам: у адзін час яна можа выдаць ідэальны вынік з першай спробы, у іншы — можна гадзінамі дамагацца ад яе хоць нешта. У бясплатнай версіі Gemini хутка забывае запыты, блытаецца ў паказаннях і не заўсёды разумее, што ад яе хочуць.
Калі вам не спадабаецца вынік, аўтар раіць ставіць дызлайкі, націскаць на кнопку Return ці проста спрабаваць тое ж самае ў іншым чаце.
«Проста спрабуйце і дзяліцеся вынікам — у нас засталося так шмат фота і так мала помнікаў, можа, Gemini верне нам спачатку памяць, а пасля і тое, што мы страцілі, але яшчэ можам вярнуць!»
Забелены ракакошны дэкор Сафійскага сабора ў Полацку
Дэкор Сафійскага сабора ў Полацку, каларызаваны ў стылістыцы барока нейрасеткай Gemini. Фота: тэлеграм-канал «Спадчына»
Тэатральная плошча ў Магілёве з былым касцёлам езуітаў у пачатку XX стагоддзя. Усе будынкі на фота знішчаны
Фота Тэатральнай плошчы ў Магілёве, апрацаванае нейрасеткай Gemini. Фота: тэлеграм-канал «Спадчына»
Богаяўленскі манастыр у Магілёве ў пачатку XX стагоддзя. Усе будынкі на фота знішчаны пасля вайны
Фота Богаяўленскага манастыра ў Магілёве, апрацаванае нейрасеткай Gemini. Звярніце ўвагу, што нейрасетка разумее сцэну як трохмерную і змяняе крыніцу святла на больш выразную, не губляючы дэталяў. Фота: тэлеграм-канал «Спадчына»
Кальвінскі збор XVI стагоддзя ў Асташыне. Фота пачатку XX стагоддзя. Разбураны мясцовымі ўладамі ў 1950‑я гг.
Фрагмент фота інтэр'ера шляхецкай сядзібы, апрацаваны нейрасеткай Gemini. Звярніце ўвагу на разьбу на спінцы канапы на абодвух фота. Фота: тэлеграм-канал «Спадчына»
Цыстэрцыянскі кляштар у Кімбараўцы (Мазыр) на фота 1916 года
Палац на тэрыторыі Любчанскага замка ў пачатку XX стагоддзя
Фота палаца на тэрыторыі Любчанскага замка, апрацаванае нейрасеткай Gemini. Фота: тэлеграм-канал «Спадчына»
Першапачатковы праект Опернага тэатра ў Мінску, прапанаваны Іосіфам Лангбардам у 1934 годзе
Gemini паказвае, як бы гэты праект выглядаў, калі б ён быў рэалізаваны. Выглядае неверагодна праўдападобна. Фота: тэлеграм-канал «Спадчына»
Піксельны фотаздымак старога Траецкага прадмесця
Выпраўлены фотаздымак Траецкага прадмесця. Некаторыя дэталі не зусім дакладныя, але дзіўна ўвогуле, што нейрасетка змагла хоць нешта зрабіць з гэтым фота. Фота: тэлеграм-канал «Спадчына»
Барочны інтэр'ер знішчанага саветамі касцёла ў Стоўбцах
Інтэр'ер знішчанага саветамі касцёла ў Стоўбцах, якому Gemini вярнула барочны каларыт, абразы і лавы для вернікаў. Фота: тэлеграм-канал «Спадчына»
Рэдкае каляровае фота разрабаванага касцёла езуітаў у Магілёве
Нейрасетка Gemini не толькі змагла правесці рамонт касцёла і часткова аднавіць каларыт, але і змяніла ракурс на больш сіметрычны. Фота: тэлеграм-канал «Спадчына»
Касцёл у Каралішчавічах у пачатку XX стагоддзя. Будынак захаваўся да нашага часу, але ў знявечаным стане. Фота нізкай якасці
Палепшанае Gemini фота дакладна аднаўляе ўсе дэталі гістарычнага аб'ёму, робіць помнік сакавітым і аб'ёмным. Фота: тэлеграм-канал «Спадчына»
Фота касцёла і пажарнай часці ў гістарычным цэнтры Гомеля, знішчаных за савецкім часам, апрацаваныя нейрасеткай Gemini. Фота: lets_cook_for_fun_1
Наступныя прыклады зробленыя ў нейрасетках, але, магчыма, не толькі ў Gemini, што дае шырэйшае разуменне магчымасцей нейрасетак сёння.
Касцёл Святой Соф'і пры кляштары дамініканаў у знішчаным Берасці. Абмерны чарцёж 1830 года
Выява касцёла Святой Соф'і пры кляштары дамініканаў у Берасці, створаная нейрасеткай. Фэйсбук Віктара Байкоўскага
Берасце на гравюры Эрыка Дальберга 1657 года.
Краявід Бярэсця, створаны нейрасеткай па гравюры Эрыка Дальберга ў 1657 годзе. Фэйсбук Віктара Байкоўскага
Бернардзінскія касцёлы і манастыры ў Брэст-Літоўску: мужчынскі і жаночы. Фэйсбук Віктара Байкоўскага
Высокае-Літоўскае. Па матывах літаграфіі з малюнка Напалеона Орды. Фэйсбук Віктара Байкоўскага
Кляштар картэзіянцаў у Бярозе-Картузскай. Па матывах літаграфіі з малюнка Напалеона Орды. Фэйсбук Віктара Байкоўскага
Мерачоўшчына і Косаўскі замак на літаграфіі з малюнка Напалеона Орды. Звярніце ўвагу, што на малюнку лета
Мерачоўшчына і Косаўскі замак на аснове літаграфіі з малюнка Напалеона Орды. Звярніце ўвагу, што нейрасетка ператварыла малюнак у зімовы. Фэйсбук Віктара Байкоўскага
Навагрудак. Па літаграфіі з малюнка Напалеона Орды. Фэйсбук Віктара Байкоўскага
Янаў. Па літаграфіі з малюнка Напалеона Орды. Фэйсбук Віктара Байкоўскага
Фара Вітаўта 1860‑я гады
Фота Фары Вітаўта 1860-х, апрацаванае нейрасеткай. Фота: grodno_one_minute_of_history
Фота Фары Вітаўта 1923 года, апрацаванае нейрасеткай. Фота: grodno_one_minute_of_history
Фота Фары Вітаўта 1930-х, апрацаванае нейрасеткай. Фота: grodno_one_minute_of_history
Супер, згодны, толькі гэта ніякая НЕ "Беларусь", - гэта у абсалютнай большасьці здымкаў і малюнкаў - самая што ні на ёсьць Літва.
Найперш не галасі!
14.09.2025
Гэтыя "фатаграфіі" паказваюць даволі утульна абжытыя чалавекам мясціны. Яшчэ раз прымушае задумацца пра знос і перабудову нашых вясковых і гарадскіх мясцінаў.
Ы
14.09.2025
Супер! Неверагодная дапамога тым, хто робіць гістарычны кантэнт ці кнігі па гісторыі. Яшчэ б дачакацца танных сэрвісаў, якія б рэалістычна ажыўлялі такія здымкі.
Цяпер чытаюць
«Над галавой лятае па 20 тон». Брат і сястра з Беларусі расказалі, колькі зарабляюць у порце польскай Гдыні
Ва Украіне апублікавалі свежы палітычны рэйтынг. Зяленскі не на першым месцы77
У Мазыры з акна дзявятага паверха выпала аднагадовае дзіця11
Андрусь Бездар, які выйшаў з СІЗА, расказаў, як яго справа цяпер і што будзе далей55
«Аб гэты трамплін можна забівацца кожны дзень». Вядомы трэнер загінуў на велатрэніроўцы праз нечаканую перашкоду22
Выйшаў трэці сезон любімага беларусамі серыяла пра шляхту — вось чым здзіўляе «1670». Там зняліся і беларусы33
Сын дэпартаванага салдата арміі Андэрса з-пад Навагрудка адсудзіў $180 тысяч за пакуты бацькі ў савецкім лагеры77
Нямецкая дыпламатка ў Мінску ў парку Янкі Купалы прычытала верш беларускага класіка77
«У іх хвароба. Яны вар’яты». Трамп паздзекаваўся з уладальнікаў электрамабіляў44
27‑гадовага мінчука, якога шукалі 10 дзён, знайшлі мёртвым11
«Аб гэты трамплін можна забівацца кожны дзень». Вядомы трэнер загінуў на велатрэніроўцы праз нечаканую перашкоду2
«Аб гэты трамплін можна забівацца кожны дзень». Вядомы трэнер загінуў на велатрэніроўцы праз нечаканую перашкоду
Ва Украіне апублікавалі свежы палітычны рэйтынг. Зяленскі не на першым месцы77
Андрусь Бездар, які выйшаў з СІЗА, расказаў, як яго справа цяпер і што будзе далей55
Выйшаў трэці сезон любімага беларусамі серыяла пра шляхту — вось чым здзіўляе «1670». Там зняліся і беларусы33
Сын дэпартаванага салдата арміі Андэрса з-пад Навагрудка адсудзіў $180 тысяч за пакуты бацькі ў савецкім лагеры77
«У іх хвароба. Яны вар’яты». Трамп паздзекаваўся з уладальнікаў электрамабіляў44
«У іх хвароба. Яны вар’яты». Трамп паздзекаваўся з уладальнікаў электрамабіляў4
27‑гадовага мінчука, якога шукалі 10 дзён, знайшлі мёртвым11
27‑гадовага мінчука, якога шукалі 10 дзён, знайшлі мёртвым1
У Маскве пахавалі генерал-маёра Плахатнюка, які загінуў на дні нараджэння генерала Чайко77
У Маскве пахавалі генерал-маёра Плахатнюка, які загінуў на дні нараджэння генерала Чайко7
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай2222
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай22
Вялікая партыя абутку «Белвест» згарэла пры пажарах на складах Wildberries55
Вялікая партыя абутку «Белвест» згарэла пры пажарах на складах Wildberries5
Наста Рагатко расказала, колькі зарабіла на сваёй кнізе1818
Наста Рагатко расказала, колькі зарабіла на сваёй кнізе18
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе10
«Многія людзі стануць непатрэбнымі». Сузаснавальнік EPAM пра сяброўства з Добкіным, багацце і няроўнасць, жыццё ў Латвіі і настальгію1515
«Многія людзі стануць непатрэбнымі». Сузаснавальнік EPAM пра сяброўства з Добкіным, багацце і няроўнасць, жыццё ў Латвіі і настальгію15
«Белавія» купіла тры «Боінгі». Яны прыляцелі з самай малой краіны Афрыкі66
«Белавія» купіла тры «Боінгі». Яны прыляцелі з самай малой краіны Афрыкі6
Сёстры Груздзевы цяпер важаць пад 100 кілаграмаў кожная3838
Сёстры Груздзевы цяпер важаць пад 100 кілаграмаў кожная38
Прафесійны догляд без візіту ў салон: легендарны брэнд WAHL выпусціў лінейку для стрыжкі дома22
Прафесійны догляд без візіту ў салон: легендарны брэнд WAHL выпусціў лінейку для стрыжкі дома2
«Белавія» назвала топ-5 самых загружаных маршрутаў
«Белавія» назвала топ-5 самых загружаных маршрутаў
Хто быў той байкер, які справакаваў смяротную гонку па вуліцах Брэста, у якой загінулі трое — у тым ліку і ён сам4141
Хто быў той байкер, які справакаваў смяротную гонку па вуліцах Брэста, у якой загінулі трое — у тым ліку і ён сам41
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі4545
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі45
Каментары
Яшчэ раз прымушае задумацца пра знос і перабудову нашых вясковых і гарадскіх мясцінаў.