Сярод вызваленых 11 верасня палітвязняў — каардынатар «Еўрапейскай Беларусі» Яўген Афнагель.
46-гадовы Яўген Афнагель, каардынатар грамадскай кампаніі «Еўрапейская Беларусь», знаходзіўся за кратамі з 25 верасня 2020 года.
У свой час ён быў адным са стваральнікаў і актыўным удзельнікам апазіцыйнага руху «Зубр». За сваю апазіцыйную публічную дзейнасць неаднаразова падвяргаўся рэпрэсіям з боку ўладаў: штрафам, адміністрацыйным арыштам, збіццю, запалохванням і ціску.
Пасля прэзідэнцкіх выбараў 2010 года Яўген Афнагель доўгі час быў вымушаны знаходзіцца ў эміграцыі, але ў выніку вярнуўся ў Беларусь, дзе працягнуў актыўную палітычную дзейнасць.
Апошні раз Афнагель быў затрыманы 25 верасня 2020 года ў межах крымінальнай справы па арт. 293 КК («Удзел у масавых беспарадках»). Дома ў яго правялі ператрус, выламалі дзверы. 1 кастрычніка яму выставілі абвінавачанне.
Суд у Магілёве па справе сямі палітвязняў праходзіў з 12 па 25 мая 2021 года ў закрытым рэжыме. Яўген Афнагель атрымаў на ім 7 гадоў калоніі ўзмоцненага рэжыму.
У зняволенні на Афнагеля аказваўся няспынны ціск: яго неаднаразова змяшчалі ў штрафны ізалятар (ШІЗА), абмяжоўвалі сувязь і атаварку, пераводзілі паміж калоніямі і турмамі. Падчас знаходжання ў калоніі ў яго пагоршыўся зрок. Тэрмін адбываў у Наваполацкай калоніі № 1, а ў 2024 годзе яго перавялі ў ПКТ і турму №4 у Магілёве.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку45
Каментары