Кіраўнік МУС Літвы расказаў, у якім выпадку закрыюць мяжу з Беларуссю
МУС краіны можа закрыць мяжу.
Польшча з-за вучэнняў «Захад 2025» з 12 верасня закрыла мяжу з Беларуссю. Міністр унутраных спраў Літвы Уладзіслаў Кандратовіч сказаў, што калі будуць правакацыі, Літва паступіць гэтак жа, піша Delfi.lt.
«Калі здарыцца (правакацыя), кіраўнік памежнай аховы гатовы ў тую ж хвіліну даць дазвол на закрыццё мяжы. (…) Калі нешта адбываецца, дрон або правакацыя, ці нейкі невыразны павышаны рух сіл ля мяжы, мы можам гэта зрабіць», — сказаў у інтэрв'ю на радыё LRT Кандратовіч.
З ягоных слоў, пазней пастанову на больш працяглы тэрмін закрыць мяжу павінен прыняць урад Літвы. Міністр акцэнтаваў, што мяжа з Беларуссю знаходзіцца пад пільным наглядам, а асобныя ўчасткі ўмацаваныя. «У такіх месцах павышаны кантроль. Мы робім гэта і ацэньваем усе рызыкі, якія могуць быць. Я ўчора гаварыў з кіраўніком МУС Латвіі, іх пазіцыя і наша пазіцыя цяпер — кантроль і прыняцце адэкватных сітуацыі мер», — сказаў Кандратовіч.
Ён дадаў, што рашэнне Польшчы аб закрыцці мяжы выклікала нямала турботы ў грамадзян ЕС, якія не паспелі пакінуць Беларусь. «Калі мы закрыем мяжу сёння, усё, яны апынуцца ў безнадзейным стане, кінутыя», — падкрэсліў ён.
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары